Tekelide servistik ákimdik ashyldy
"Servistik ákimdik" memlekettik organdardyń Open-space formatyndaǵy jumysynyń tiimdi úilesimi bolyp tabylady, onyń ajyramas bóligi qyzmetkerlerdiń klientke baǵdarlanýyna jáne azamattar úshin qolaily jaǵdai jasaýǵa negizdelgen qyzmet kórsetýdiń joǵary sapasy bolyp tabylady.
Atalǵan ortalyqta 58 túrli memlekettik qyzmet kórsetiledi.
Servistik ákimniń taǵy bir artyqshylyǵy – Memlekettik qyzmetterdi qalalar men aýdandardyń ár buryshynda ornalasqan bólimderdi izdemei-aq, bir ǵimaratta alý múmkindigi.
Servistik ákimdik ashylǵannan keiin qonaqtar ortalyqty aralap, qyzmetkerlermen áńgimelesti. Biregei alań "bir tereze" rejiminde azamattar úshin qyzmetterdiń keń keshenin kórsetýdi kózdeidi. Ortalyq kútý úshin qolaily aimaqtarmen, tehnikalyq jabdyqtalǵan jumys oryndarymen qamtamasyz etilgen, aqparattyq stendter ornatylǵan, ózine-ózi qyzmet kórsetý buryshy uiymdastyrylǵan.
Sondai-aq ortalyqta ana men bala bólmesi jáne túrli formattaǵy bilim berý jáne iskerlik is-sharalardy ótkizýge arnalǵan keń konferents-zal jumys isteidi.
Sybailas jemqorlyqtyń deńgeiin qysqartý jáne ony jalpy jurtshylyqtyń qabyldamaýyn qalyptastyrý, azamattardyń memlekettik bilik institýttaryna senimin arttyrý jáne "servistik ákimdik" janynan sybailas jemqorlyqqa qarsy mádenietti qalyptastyrý maqsatynda "Jetisý-adaldyq alańy" keńsesi jumys isteidi.
Servistik ákimdikte jumyspen qamtý, jer qatynastary, bilim berý, turǵyn úi-kommýnaldyq sharýashylyq jáne turǵyn úi inspektsiiasy, jumyspen qamtý jáne áleýmettik baǵdarlamalar, sáýlet jáne qala qurylysy bóliminiń mamandary 6 bólim Memlekettik qyzmet kórsetetin bolady.
