"سەرۆيستىك اكىمدىك" مەملەكەتتىك ورگانداردىڭ Open-space فورماتىنداعى جۇمىسىنىڭ ءتيىمدى ۇيلەسىمى بولىپ تابىلادى، ونىڭ اجىراماس بولىگى قىزمەتكەرلەردىڭ كليەنتكە باعدارلانۋىنا جانە ازاماتتار ءۇشىن قولايلى جاعداي جاساۋعا نەگىزدەلگەن قىزمەت كورسەتۋدىڭ جوعارى ساپاسى بولىپ تابىلادى.
اتالعان ورتالىقتا 58 ءتۇرلى مەملەكەتتىك قىزمەت كورسەتىلەدى.
سەرۆيستىك اكىمنىڭ تاعى ءبىر ارتىقشىلىعى – مەملەكەتتىك قىزمەتتەردى قالالار مەن اۋدانداردىڭ ءار بۇرىشىندا ورنالاسقان بولىمدەردى ىزدەمەي-اق، ءبىر عيماراتتا الۋ مۇمكىندىگى.
سەرۆيستىك اكىمدىك اشىلعاننان كەيىن قوناقتار ورتالىقتى ارالاپ، قىزمەتكەرلەرمەن اڭگىمەلەستى. بىرەگەي الاڭ "ءبىر تەرەزە" رەجيمىندە ازاماتتار ءۇشىن قىزمەتتەردىڭ كەڭ كەشەنىن كورسەتۋدى كوزدەيدى. ورتالىق كۇتۋ ءۇشىن قولايلى ايماقتارمەن، تەحنيكالىق جابدىقتالعان جۇمىس ورىندارىمەن قامتاماسىز ەتىلگەن، اقپاراتتىق ستەندتەر ورناتىلعان، وزىنە-وزى قىزمەت كورسەتۋ بۇرىشى ۇيىمداستىرىلعان.
سونداي-اق ورتالىقتا انا مەن بالا بولمەسى جانە ءتۇرلى فورماتتاعى ءبىلىم بەرۋ جانە ىسكەرلىك ءىس-شارالاردى وتكىزۋگە ارنالعان كەڭ كونفەرەنس-زال جۇمىس ىستەيدى.
سىبايلاس جەمقورلىقتىڭ دەڭگەيىن قىسقارتۋ جانە ونى جالپى جۇرتشىلىقتىڭ قابىلداماۋىن قالىپتاستىرۋ، ازاماتتاردىڭ مەملەكەتتىك بيلىك ينستيتۋتتارىنا سەنىمىن ارتتىرۋ جانە "سەرۆيستىك اكىمدىك" جانىنان سىبايلاس جەمقورلىققا قارسى مادەنيەتتى قالىپتاستىرۋ ماقساتىندا "جەتىسۋ-ادالدىق الاڭى" كەڭسەسى جۇمىس ىستەيدى.
سەرۆيستىك اكىمدىكتە جۇمىسپەن قامتۋ، جەر قاتىناستارى، ءبىلىم بەرۋ، تۇرعىن ۇي-كوممۋنالدىق شارۋاشىلىق جانە تۇرعىن ءۇي ينسپەكسياسى، جۇمىسپەن قامتۋ جانە الەۋمەتتىك باعدارلامالار، ساۋلەت جانە قالا قۇرىلىسى ءبولىمىنىڭ ماماندارى 6 ءبولىم مەملەكەتتىك قىزمەت كورسەتەتىن بولادى.
