Qazaqstan men Grýziia IIM kelissózinen keiin Tbiliside halyqaralyq izdeýde júrgen kúdiktiler ustaldy, dep habarlaidy dalanews.kz.
Olardyń arasynda sintetikalyq esirtki óndirisin uiymdastyrdy degen kúdikke ilingen erli-zaiypty da bar.
Jaqynda Qazaqstan IIM basshysy Erjan Sádenov jumys saparymen Tbilisige baryp, Grýziianyń ishki ister ministri Sýlhan Tamazashvilimen kezdesý ótkizgen. Sondai-aq, ol Grýziia premer-ministri Iraklii Kobahidzeniń qabyldaýynda bolǵan.
Kelissóz nátijesinde 2026 jylǵy naýryzdan beri Grýziia aýmaǵynda Qazaqstannyń quqyq qorǵaý organdary izdegen 15 adam ustalǵany belgili boldy.
IIM málimetinshe, Tbiliside mefedron óndirisin uiymdastyrdy degen kúdikpen Qazaqstan azamaty qolǵa túsken. Tergeý deregine sáikes ol 2023 jylǵy qazannan 2024 jylǵy aqpanǵa deiin sybailastarymen birge Almaty oblysynda arnaiy jabdyqtalǵan zerthanada sintetikalyq esirtki óndirisin uiymdastyryp, himik qyzmetin atqarǵan.
Sonymen qatar, onyń halyqaralyq izdeýde júrgen jubaiy da ustaldy. Tergeý barysynda áiel Almaty jáne Qaraǵandy oblystaryndaǵy sintetikalyq esirtki óndirisine qatysty qylmystyq áreketti qarjylandyrǵany anyqtalǵan.
Qazir kúdiktilerdi Qazaqstanǵa ekstraditsiialaý máselesi qarastyrylyp jatyr.
