Bul týraly aqyn "Sókken áńgime" baǵdarlamasynda aitty dep habarlaidy Dalanews.kz.
Aqynnyń pikirinshe búgingi ómirde kókireginde kózi bar kisini qynjyltatyn kesapattar kóbeigen ústine kóbeiip keledi.
"Ilgeride bir han óziniń balasyn ustazǵa oqýǵa bergen eken. Hannyń balasy erke bolyp, ustaz bilimin sińire almai qoiady.
Sol kezde ol balaǵa renjip: «Oqy ákeń siiaqty, esek bolma» dep aitady. Ákesi bilimdar, sonyń arqasynda han bolǵan adam ǵoi. Bala ony úiine baryp «Ustaz maǵan renjidi, biraq siz jaiynda aitqan sózi kóńilime tidi» deidi.
Men jaiynda ne aitty degende: «Oqy, ákeń siiaqty esek bolma» dep aitty deidi. Bir ǵana útirdi basqa jerde qoiǵannan adamnyń taǵdyry sheshilip ketedi keide", – deidi aqyn.
Tazabekov qazaq ortasynda júrip, qazirgi qazaq qoǵamynyń boiaý-bolmysyn zerttei kele "qazaq áli saiasi balań halyq" degen uiǵarymǵa kelipti.
"Biz kez kelgen isti júrekpen, sezimmen qabyldaýǵa daiynbyz. Álemdegi ozyq elder bar, sol elderde keibir sherýler ótip jatady. Men tipten kýá bolǵam Londonǵa barǵanymda.
Ol jerler saǵat 2-de bastalyp 6-da aiaqtalýy kerek bolsa, dál solai ótedi. Al endi tipten bizde qandai da bir adamdar sherýge shyǵatyn bolsa, sherýdiń basynan ne dep aiǵailap, sońynda ne dep aiǵailap ketetinin boljaýdyń ózi qiyn.
Sondyqtan men kerisinshe, qazaqtan alańdy qyzǵanǵandyqtan nemese bilikti jaqtaǵandyqtan emes, bul bizdiń halyqqa ziian kórinis, bul bizdiń tabiǵatymyzǵa ziian, qazaqtyń minezi men tabiǵatyna sáikes kelmeitin bir is-shara dep esepteimin", – deidi ol.
Onyń pikirinshe bizde qazir eki adam daýlasyp qalsa, dostastyratyn adam tabý qiyn, al eki adam qastasyp qalsa, olardy ári qarai renjitetin myńdaǵan adam tabylady.
"Sondyqtan bizge qazir bir-birimizbenen tájikelesip qalatyn, bilik pen qaýym bolyp bir-birimizdi túsinispei qalýdan ózimizdi-ózimiz qatty saqtandyrýymyz kerek.
Jái ǵana aitaiyn, Shahanov pen Maǵaýin bir-birimenen kelispei qalyp edi, solardy tatýlastyratyn, abyroiy bar, dilmarlyǵy bar bir adam tabylmai tur ǵoi qazaqtan.
Al kerisinshe, ortalaryna ot jaǵatyn, olardyń kemshiligin bir-birine ashyp beretin myńdaǵan adam tabylyp tur. Bul beibit ómirdiń ózinde...", – deidi Tazabekov.
Ázirlegen Arailym BIMENDIEVA
