بۇل تۋرالى اقىن "سٶككەن ەڭگٸمە" باعدارلاماسىندا ايتتى دەپ حابارلايدى Dalanews.kz.
اقىننىڭ پٸكٸرٸنشە بٷگٸنگٸ ٶمٸردە كٶكٸرەگٸندە كٶزٸ بار كٸسٸنٸ قىنجىلتاتىن كەساپاتتار كٶبەيگەن ٷستٸنە كٶبەيٸپ كەلەدٸ.
"ٸلگەرٸدە بٸر حان ٶزٸنٸڭ بالاسىن ۇستازعا وقۋعا بەرگەن ەكەن. حاننىڭ بالاسى ەركە بولىپ, ۇستاز بٸلٸمٸن سٸڭٸرە الماي قويادى.
سول كەزدە ول بالاعا رەنجٸپ: «وقى ەكەڭ سيياقتى, ەسەك بولما» دەپ ايتادى. ەكەسٸ بٸلٸمدار, سونىڭ ارقاسىندا حان بولعان ادام عوي. بالا ونى ٷيٸنە بارىپ «ۇستاز ماعان رەنجٸدٸ, بٸراق سٸز جايىندا ايتقان سٶزٸ كٶڭٸلٸمە تيدٸ» دەيدٸ.
مەن جايىندا نە ايتتى دەگەندە: «وقى, ەكەڭ سيياقتى ەسەك بولما» دەپ ايتتى دەيدٸ. بٸر عانا ٷتٸردٸ باسقا جەردە قويعاننان ادامنىڭ تاعدىرى شەشٸلٸپ كەتەدٸ كەيدە", – دەيدٸ اقىن.
تازابەكوۆ قازاق ورتاسىندا جٷرٸپ, قازٸرگٸ قازاق قوعامىنىڭ بوياۋ-بولمىسىن زەرتتەي كەلە "قازاق ەلٸ ساياسي بالاڭ حالىق" دەگەن ۇيعارىمعا كەلٸپتٸ.
"بٸز كەز كەلگەن ٸستٸ جٷرەكپەن, سەزٸممەن قابىلداۋعا دايىنبىز. ەلەمدەگٸ وزىق ەلدەر بار, سول ەلدەردە كەيبٸر شەرۋلەر ٶتٸپ جاتادى. مەن تٸپتەن كۋە بولعام لوندونعا بارعانىمدا.
ول جەرلەر ساعات 2-دە باستالىپ 6-دا اياقتالۋى كەرەك بولسا, دەل سولاي ٶتەدٸ. ال ەندٸ تٸپتەن بٸزدە قانداي دا بٸر ادامدار شەرۋگە شىعاتىن بولسا, شەرۋدٸڭ باسىنان نە دەپ ايعايلاپ, سوڭىندا نە دەپ ايعايلاپ كەتەتٸنٸن بولجاۋدىڭ ٶزٸ قيىن.
سوندىقتان مەن كەرٸسٸنشە, قازاقتان الاڭدى قىزعانعاندىقتان نەمەسە بيلٸكتٸ جاقتاعاندىقتان ەمەس, بۇل بٸزدٸڭ حالىققا زييان كٶرٸنٸس, بۇل بٸزدٸڭ تابيعاتىمىزعا زييان, قازاقتىڭ مٸنەزٸ مەن تابيعاتىنا سەيكەس كەلمەيتٸن بٸر ٸس-شارا دەپ ەسەپتەيمٸن", – دەيدٸ ول.
ونىڭ پٸكٸرٸنشە بٸزدە قازٸر ەكٸ ادام داۋلاسىپ قالسا, دوستاستىراتىن ادام تابۋ قيىن, ال ەكٸ ادام قاستاسىپ قالسا, ولاردى ەرٸ قاراي رەنجٸتەتٸن مىڭداعان ادام تابىلادى.
"سوندىقتان بٸزگە قازٸر بٸر-بٸرٸمٸزبەنەن تەجٸكەلەسٸپ قالاتىن, بيلٸك پەن قاۋىم بولىپ بٸر-بٸرٸمٸزدٸ تٷسٸنٸسپەي قالۋدان ٶزٸمٸزدٸ-ٶزٸمٸز قاتتى ساقتاندىرۋىمىز كەرەك.
جەي عانا ايتايىن, شاحانوۆ پەن ماعاۋين بٸر-بٸرٸمەنەن كەلٸسپەي قالىپ ەدٸ, سولاردى تاتۋلاستىراتىن, ابىرويى بار, دٸلمارلىعى بار بٸر ادام تابىلماي تۇر عوي قازاقتان.
ال كەرٸسٸنشە, ورتالارىنا وت جاعاتىن, ولاردىڭ كەمشٸلٸگٸن بٸر-بٸرٸنە اشىپ بەرەتٸن مىڭداعان ادام تابىلىپ تۇر. بۇل بەيبٸت ٶمٸردٸڭ ٶزٸندە...", – دەيدٸ تازابەكوۆ.
ەزٸرلەگەن ارايلىم بيمەنديەۆا
