Jetisý oblysynyń ákimi Beibit Isabaev Qaratal aýdanyna jasaǵan jumys sapary barysynda Úshtóbe qalasyndaǵy ortalyq saiabaqtyń jóndeý jumystarymen tanysty. Bul saiabaq «Taza Qazaqstan» ekologiialyq baǵdarlamasy aiasynda jańa keiipke enbek, dep habarlaidy Dalanews.kz.
Eske salsaq, ótken jyly halyqpen kezdesýi barysynda parktiń jaǵdaiymen tanysqan oblys ákimi oǵan jóndeý júrgizýdi tapsyryp, soǵan sáikes tiisti sharalar qolǵa alynǵan bolatyn.
Búgin saiabaqqa arnaiy barǵan óńir basshysyna aýdan ákimi Ulan Dosymbekov onyń aǵymdaǵy jóndeý jumystarynyń bas josparymen tanystyrdy. Aýdan basshysynyń aitýynsha, saiabaqta eki kireberis qaqpa bolady. Sýburqaq, oiyn alańdary, jaiaý júrginshiler joly jáne demalysqa qajetti basqa da múmkindikter qarastyrylady. Joba osy jyldyń qyrkúiek aiyna deiin aiaqtalady dep mejelengen.
Josparǵa qatysty suraqtaryn egjei-tegjeili naqtylap, birqatar eskertpelerin engizgen oblys ákimi:
- Biyl «Taza Qazaqstan» respýblikalyq ekologiialyq baǵdarlamasy aiasynda úsh aýdandaǵy ortalyq saiabaqtarda sýarý júiesin júrgizip, abattandyrý jáne kúrdeli jóndeý josparlanǵan. Sonyń biri – osy Qaratal aýdany ortalyǵyndaǵy saiabaq. Parktiń jóndeý jumystaryn sapaly júrgizip, merziminde aiaqtańyzdar. Jasyl jelek jaiqalyp ósý úshin munda avtosýarý júiesin júrgizý óte mańyzdy. Bul saiabaq aýdannyń eresek turǵyndary úshin de, balalar úshin de jaily demalys ornyna ainalýy tiis, - dedi B. Isabaev.
Atap ótsek, Úshtóbedegi ortalyq saiabaq 1936 jyly salynǵan, oǵan sońǵy ret 2012 jyly jóndeý júrgizilipti. Saiabaqtyń jalpy aýmaǵy 6,6 ga.
Qaratal aýdandyq turǵyn úi-kommýnaldyq sharýashylyǵy, jolaýshy kóligi, avtomobil joldary, turǵyn úi inspektsiiasy bóliminiń bastyǵy Farhat Bólekbaevtyń sózine súiensek, munda eski aǵashtardy kesý, butaqtardy qyrqý, jańa kóshetter egý, aǵashtardy qalyptaý jumystary júrgizilgen.
- Saiabaq aýmaǵyna 1200 aǵash otyrǵyzyldy, onyń 750-i qylqan japyraqty, 450-i japyraqty aǵashtar. Jobaǵa sáikes qazir trotýarlar salý boiynsha ólshep-belgileý jumystary júrip jatyr. Eski amfiteatrǵa kúrdeli jóndeý jasalady, onyń astyńǵy bóligine fýt-kort ornalastyrylyp, ol qyzmet kórsetý nysandaryn ashý úshin jeke kásipkerlerge beriledi. Saiabaqtyń shyǵys bóliginde sýburqaq salynady, etnoaýyl qurylady. Al soltústik bóliginde relaks-aimaqtar jasalady, sol siiaqty qoldanystaǵy oiyn alańdary jańartylyp, qosymsha skeit-parkter jasalady, - dedi F. Bólekbaev.
Onyń aitýynsha, aldaǵy ýaqytta shaǵyn arhitektýralyq pishinderdi ornatý, gúlzarlardy ornalastyrý, gúl otyrǵyzý, kógaldandyrý, avtomatty sýarý júiesin júrgizý, saiabaq infraqurylymyn damytý jáne jailastyrý, trotýar tóseý jumystary atqarylady. Búgingi kúni jóndeý jumystaryna merdiger kompaniianyń 10 adamy, 6 tehnikasy tartylǵan, alda jumysshylar sanyn 60-qa deiin jetkizý kózdelip otyr.
Jalpy, oblys qurylǵannan beri aýdan-qalalarda 14 jańa saiabaq, 6 skver jáne 4 alleia salynǵan, sol siiaqty 2022–2025 jyldary 40 saiabaqqa kúrdeli jóndeý júrgizildi. Osy jyly da abattandyrý jumystary jalǵasyp, taǵy 10 saiabaq, 1 skver, 3 alleia jóndelmek. Sondai-aq Memleket basshysynyń tapsyrmasyna sáikes oblysta jalpy aýdany 74 gektardy quraityn úsh eko-saiabaq qurý josparlanyp otyr.
