Túrkistan oblysynyń politsiia qyzmetkerleri qorshaǵan ortanyń abattandyrý qaǵidalaryn buzý, ortaq paidalanatyn oryndardy lastaý, jasyl ekpelerdi joiý jáne búldirýdiń aldyn alý maqsatynda qarqyndy jumys jasap atqarýda, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Máselen politseiler 8 táýlik ishinde 2312 quqyq buzýshylyqty anyqtap, shara qoldanǵan.
Atap aitsaq, taýarlarmen nemese ózge de zattarmen zańsyz saýda jasaý boiynsha 19 jait, belgilenbegen oryndarda saýda jasaýmen 206 derek tirkeldi.
Al ortaq paidalanatyn oryndardy lastaý onyń ishinde belgilenbegen oryndarǵa kommýnaldyq qaldyqtardy tastaý babymen 917 derek anyqtalyp, quqyq buzýshylarǵa hattama toltyryldy.
Mysaly, Qazyǵurt eldimekeni turǵynynyń biri úiiniń qurylysynan shyqqan qaldyqtary men maldyń malaǵyn kóshe boiyna jinaqtaǵany anyqtalyp, jaýapqa tartyldy, túsindirý sharasy júrgizildi.
Sondai-aq, qalalar men eldi mekenderdiń aýmaqtaryn abattandyrý qaǵidalaryn buzý, jasyl ekpelerdi joiý jáne búldirý boiynsha 590 ákimshilik quqyq buzýshylyq anyqtaldy. Joldardy, temirjol ótpelerin jáne basqa jol qurylystaryn búldirý babymen 403 turǵyn ákimshilik jaýapqa tartyldy.
Eskerte ketsek, Prezidenttiń «Taza Qazaqstan» ekologiialyq aktsiiasyna qoldaý bildirgen politseiler, general M.Qabdenovtyń tapsyrmasymen «Tazalyq» jedel-profilaktikalyq is-sharasyn ótkizýde. Basty mindet - qorshaǵan ortanyń tazalyǵyn saqtaý, árbir turǵyndy tabiǵat janashyry bolýǵa shaqyrý.
