Kúrshim aýylynda «JASYL EL» jastar eńbek jasaqtarynyń XXI maýsymy ashyldy, – dep habarlaıdy Dalanews.kz

İs-sharaǵa respýblıkalyq shtab jetekshisi Nurasyl Bekmatov qatysyp, jastardy quttyqtady. Ol «JASYL EL» jobasynyń bıyl 20 jyldyǵy ekenin atap ótip, jyl sońynda úzdik jasaqtar marapattalatynyn aıtty.

2005 jyldan beri jumys istep kele jatqan bul jasaqtar ekologıany saqtaý, kógaldandyrý, jastardy eńbekke baýlý baǵytynda jumys isteıdi. Byltyr SHQO-da 1021 jas qamtylsa, bıyl 1000 adamdy tartý josparlanǵan.

Jastar resýrstyq ortalyǵynyń uıymdastyrýymen ótken sharaǵa memlekettik organdar men volonterler qatysty. Jastar aǵash egip, tazalyq jumystaryn júrgizdi. Jıynda maýsymdyq jumyspen qamtý, ekologıalyq mádenıet, jumys berýshilermen áriptestik máseleleri talqylandy.

– Bıyl oblystaǵy jastar jasaqtary 11 aýdan men 2 qalada jumys isteıdi. Baǵdarlamaǵa 13 jumys berýshi qatysady. 2024–2029 jyldarǵa arnalǵan «Taza Qazaqstan» ekologıalyq mádenıetti damytý tujyrymdamasy aıasynda uıymdastyrylatyn áleýmettik jáne ekologıalyq jobalarǵa qatysyp, aǵash kóshetterin otyrǵyzyp, aýyl, qala, aýdan aýmaqtaryn, túrli nysandar mańyn turmystyq qaldyqtardan, qoqystardan, shópterden tazalamaq, – deıdi «JASYL EL» jasaǵy oblystyq fılıalynyń dırektory Maqsat Kárimbaev.

Oqýshylar, stýdentter men jumyssyz jastar úshin bul joba – tájirıbe alańy. Jobaǵa qatysýshy jastar – halyqtyń áleýmettik osal toptary, jumys jasaı alatyn múmkindigi shekteýli adamdar, NEET sanatyndaǵy jastar.