Aǵymdaǵy jyldyń 9 qyrkúieginde Batys Qazaqstan oblysynda óńirdiń ekologiialyq jaǵdaiyn jaqsartýǵa jáne qorshaǵan ortany abattandyrýǵa baǵyttalǵan «Taza Qazaqstan» respýblikalyq ekologiialyq aktsiiasy ótti. Bul joly aktsiia Oral qalasynyń Q.Amanjolov kósh., 89 aýmaǵynda ótkizildi. Is-sharaǵa eriktiler, jastar jáne qala turǵyndary qatysty.
«Taza Qazaqstan» ekologiialyq aktsiiasy — tek bir ret ótkiziletin senbilik emes. Bul taza jáne saý qorshaǵan ortany qalyptastyrýǵa baǵyttalǵan sanaly qadam, jáne biz bárimiz bul mándi jaqsy túsinemiz dep úmittenemin. Ózderiniń úlgisimen elimizdiń tazalyǵyna qamqorlyq jasaýdyń qanshalyqty mańyzdy ekenin kórsetetin ata-analar óz balalarynda jaýapkershilik pen týǵan jerge degen súiispenshilikti tárbieleidi. Aktsiianyń tereń tárbielik maǵynasy osyny bildiredi.
Aǵa býynnyń aýlalar men kóshelerdi tazalap, kórkeitýge belsendi qatysýy jastarǵa úlgi kórsetedi. Olar bizge tazalyqqa qamqorlyq jasaýdyń tek mindet emes, sonymen qatar ainaladaǵy adamdarǵa degen qurmet ekenin úiretedi. Bul – aǵa býynnyń tájiribesi men qundylyqtarynyń jastarǵa berilýi, iaǵni urpaq sabaqtastyǵy.
Osylaisha, «Taza Qazaqstan» aktsiiasy jarqyn bolashaqqa mańyzdy qadamdardyń bastamasy bolyp tabylady. Adamnyń jany taza bolǵan kezde, ol ainalasynda tazalyqty saqtaý úshin umtylady. Sondyqtan elimizdiń tazalyǵy ózimizden bastalady, sebebi eldiń beinesi – aldymen ózimizdiń beinemiz!» — dep atap ótti «Oral jastary» volonterlyq qozǵalysynyń jetekshisi Amanat Bektursynov.
Búgingi kúnge deiin «Taza Qazaqstan» aktsiiasy aiasynda Batys Qazaqstan oblysynda 48 myńnan astam aǵash otyrǵyzyldy, 72 myń jeke aýla aýmaǵy, 2508 kópqabatty úilerdiń aýmaǵy, 231 saiabaq pen alań, 181 sý obektileri, sonyń ishinde ózender, kólder jáne jasandy sý qoimalary tazalandy. Ekologiialyq aktsiia aiasynda 1221 áleýmettik obektiniń aýmaqtary, 3 myńnan astam ónerkásiptik obektiniń aýmaqtary jáne 621 tarihi-mádeni eskertkishter aýmaǵy tazartyldy. 52 myń tonna turmystyq qaldyqty shyǵarýǵa 1302 tehnika birligi jumyldyrylyp, arnaiy poligondarǵa jetkizildi.
«Taza Qazaqstan» aktsiiasy qarqyndy túrde jalǵasýda, jáne árbir turǵyn óz qalasy men oblysyndaǵy ekologiialyq jaǵdaidy jaqsartýǵa úlesin qosa alady.
