Jetisý oblysynda «Taza Qazaqstan» respýblikalyq baǵdarlamasy belsendi júzege asyrylýda. Jalpy óńir kóleminde atalǵan baǵdarlamaǵa jyl basynan beri 96 myńnan astam adam qatysyp, 56 491 túp kóshet otyrǵyzylǵan,- dep habarlaidy Dalanews.kz
Oblysta eldi mekenderdi abattandyrýǵa turaqty túrde kóńil bólinedi.
- Máselen, 2025 jyldyń basynan beri 25 balalar jáne sport alańdary abattandyrylyp, 16 kópqabatty turǵyn úidiń shatyry jóndeldi, 2 km aryq jelileri jabdyqtaldy, 69 eskertkishti qalpyna keltirý jumystary jasaldy. Sol siiaqty 21 saiabaq, sonyń ishinde alleialar men skverler de, 2 ortalyq alań, 3 eskertkish, 51 aýla, 58 balalar men sport alańdaryn abattandyrý jumystary jalǵasýda. 94 kópqabatty turǵyn úidiń shatyrlary men qasbetterin jóndeý, sondai-aq 15,5 shaqyrym aryq jelilerin jabdyqtaý jumystary bastaldy. Al 279 shaqyrym kóshege jaryq shamdary ornatylýda, - dedi oblystyq energetika jáne turǵyn úi-kommýnaldyq sharýashylyǵy basqarmasynyń basshysy Aidos Beketaev.
Atap ótsek, oblys aýmaǵynda jedel basqarý ortalyǵyna qosylǵan 14,8 myńǵa jýyq baqylaý kamerasy jumys isteidi. Olardyń bir bóligi syrtqy baqylaýdy qamtamasyz etse, taǵy bir bóligi bilim berý mekemelerinde ornatylǵan. Atalǵan kameralar «Taza Qazaqstan» baǵdarlamasy aiasynda tazalyqty qadaǵalaýǵa múmkindik berip otyr.
Sondai-aq, oblysta telegramm-bot iske qosylǵan sátten bastap 466 ótinish kelip túsken, sonyń 404-i oryndaldy, al 62-si «Taza Qazaqstan» respýblikalyq ekologiialyq baǵdarlamasyna qatysty bolmaǵandyqtan, qarastyrylmady.
Jalpy oblys boiynsha atalǵan baǵdarlamada búgingi kúnge deiin 96 myńnan astam adam qatysty. Sonyń nátijesinde 56 491 túp kóshet otyrǵyzylyp, 6 218 tonna qoqys shyǵarylǵan.
