«Taza Qazaqstan. Astana – tazalyq pen tártiptiń úlgisi» aýqymdy ekoaksıa aıasynda Qazaqstan halqy Assambleıasy jastar qanatynyń ókilderi elordada aǵashtar otyrǵyzdy, dep habarlaıdy qalalyq ákimdiktiń resmı saıty.

QHA jastary ekoaksıa aksıasy aıasynda 100-ge jýyq shaǵan men qaraǵaı kóshetterin otyrǵyzdy.

«Bul aksıaǵa árbir azamat, qalanyń árbir turǵyny qatysýy tıis dep sanaımyn. Óıtkeni qalaǵa jasyl jelekter qajet, jalpy qala tirshiligine qamqorlyqpen qaraý kerek. Biz óz qatysýshylarymyzdy usyndyq», - dedi QHA jastar qozǵalysynyń qatysýshysy Elena Peskorskaıa.

«Bul qalanyń jaǵdaıyna óte jaqsy áser etedi, sonymen qatar komandany biriktiredi. Biz bala kezimizden qalanyń jaı-kúıine qamqorlyq jasaımyz, tazalyqty saqtaımyz», - dedi ekoaksıaǵa qatysýshy Elızaveta Ogaı.

Belsendiler ár turǵyn ekologıa men qorshaǵan ortany jaqsartý týraly oılanyp, ekoaksıalarǵa qatysýy kerek dep sanaıdy.

«Meniń oıymsha, bul aksıa jastardy ózderinen keıingilerge úlgi etip kórsetedi. Árkim aǵash otyrǵyzýdan bastaýy kerek dep sanaımyn. Mundaı qadamdy birtindep aýqymdy jahandyq máselelerge burý kerek», - dedi aksıanyń taǵy bir qatysýshysy Alına Nurǵalıeva.

Jyl sońyna deıin Astanada 1 mıllıonnan astam kóshet otyrǵyzý josparlanýda.