«تازا قازاقستان. استانا – تازالىق پەن تەرتٸپتٸڭ ٷلگٸسٸ» اۋقىمدى ەكواكتسييا اياسىندا قازاقستان حالقى اسسامبلەياسى جاستار قاناتىنىڭ ٶكٸلدەرٸ ەلوردادا اعاشتار وتىرعىزدى, دەپ حابارلايدى قالالىق ەكٸمدٸكتٸڭ رەسمي سايتى.
قحا جاستارى ەكواكتسييا اكتسيياسى اياسىندا 100-گە جۋىق شاعان مەن قاراعاي كٶشەتتەرٸن وتىرعىزدى.
«بۇل اكتسيياعا ەربٸر ازامات, قالانىڭ ەربٸر تۇرعىنى قاتىسۋى تيٸس دەپ سانايمىن. ٶيتكەنٸ قالاعا جاسىل جەلەكتەر قاجەت, جالپى قالا تٸرشٸلٸگٸنە قامقورلىقپەن قاراۋ كەرەك. بٸز ٶز قاتىسۋشىلارىمىزدى ۇسىندىق», - دەدٸ قحا جاستار قوزعالىسىنىڭ قاتىسۋشىسى ەلەنا پەسكورسكايا.
«بۇل قالانىڭ جاعدايىنا ٶتە جاقسى ەسەر ەتەدٸ, سونىمەن قاتار كوماندانى بٸرٸكتٸرەدٸ. بٸز بالا كەزٸمٸزدەن قالانىڭ جاي-كٷيٸنە قامقورلىق جاسايمىز, تازالىقتى ساقتايمىز», - دەدٸ ەكواكتسيياعا قاتىسۋشى ەليزاۆەتا وگاي.
بەلسەندٸلەر ەر تۇرعىن ەكولوگييا مەن قورشاعان ورتانى جاقسارتۋ تۋرالى ويلانىپ, ەكواكتسييالارعا قاتىسۋى كەرەك دەپ سانايدى.
«مەنٸڭ ويىمشا, بۇل اكتسييا جاستاردى ٶزدەرٸنەن كەيٸنگٸلەرگە ٷلگٸ ەتٸپ كٶرسەتەدٸ. ەركٸم اعاش وتىرعىزۋدان باستاۋى كەرەك دەپ سانايمىن. مۇنداي قادامدى بٸرتٸندەپ اۋقىمدى جاھاندىق مەسەلەلەرگە بۇرۋ كەرەك», - دەدٸ اكتسييانىڭ تاعى بٸر قاتىسۋشىسى الينا نۇرعاليەۆا.
جىل سوڭىنا دەيٸن استانادا 1 ميلليوننان استام كٶشەت وتىرعىزۋ جوسپارلانۋدا.
