Astanada eriktiler Esil ózeniniń jaǵasyn qoqystan tazartty,- dep habarlaidy Dalanews.kz
Bul is-shara «Taza Qazaqstan. Astana – tazalyq pen tártiptiń úlgisi» aýqymdy ekoaktsiiasy aiasynda ótti.
Is-sharany Tájiribeshil ekologtar qaýymdastyǵy uiymdastyryp otyr. Sondai-aq tazalyq jumysyn júrgizýge «Astana jastary» jastar resýrstyq ortalyǵynyń 20-dan astam belsendi eriktisi qatysty.
«Elordanyń osy qoǵamdyq oryndarynda serýendegen kezde tazalyq jumysyn júrgizý qajettigin bildik. Sodan búgin eriktilermen birge ainalany kúl-qoqystan tazarttyq. Birneshe saǵat ishinde 20-dan astam qapshyq qoqys jinaldy. Ózderińizge málim, munda balyq aýlaýshylar kóp keledi. Olar ózen mańynda qoqys konteinerleri bolmaǵandyqtan, zattaryn tastap ketedi. Sondyqtan bul aimaqqa qoqys tastaýǵa arnalǵan konteinerlerdi kóbirek ornalastyrý qajet. Búgingi is-sharaǵa qatysqan eriktilerge de alǵysymdy bildiremin», - dedi Tájiribeshil ekologtar qaýymdastyǵynyń tóraiymy Laýra Malikova.
«Taza Qazaqstan» jalpyulttyq ekologiialyq aktsiiasy byltyr kóktemde bastaý alǵan. Osylaisha ol búkil el aýmaǵynda jalǵasqan keń aýqymdy sharaǵa ainaldy.
Atalmysh aktsiia elorda ómiriniń ajyrmas bóligine ainalyp otyr. Osyndai is-sharalar arqyly óskeleń urpaqty ekologiialyq mádenietke baýlýǵa bolady.
