Astanada «Taza Qazaqstan» ekologiialyq aktsiiasy aiasynda kezekti tazalyq jumysy júrgizildi. Almaty aýdanynyń ákimdigi men «Astana jastary» jastar resýrstyq ortalyǵynyń bastamasymen qolǵa alynǵan is-shara Mahtumquly kóshesi boiynda ótkizilip, oǵan belsendi jastar men eriktiler qatysty, dep habarlaidy dalanews.kz.
Tazalyq barysynda qatysýshylar kósheler men qoǵamdyq aýmaqtardy qoqystan tazartyp, qorshaǵan ortanyń tazalyǵyn saqtaýǵa óz úlesin qosty. Uiymdastyrýshylardyń aitýynsha, mundai bastamanyń basty maqsaty – qalanyń sanitarlyq jaǵdaiyn jaqsartý ǵana emes, turǵyndar arasynda ekologiialyq mádenietti qalyptastyryp, qorshaǵan ortaǵa jaýapkershilikpen qaraýdy dáripteý.
«Búgin «Taza Qazaqstan» ekologiialyq bastamasy aiasynda «Astana jastary» uiymy Almaty aýdany ákimdigimen birlesip, senbilik ótkizip jatyr. Is-sharanyń negizgi maqsaty – elordamyzdyń tazalyǵyn saqtaýǵa úles qosý jáne turǵyndar arasynda qorshaǵan ortaǵa uqypty qaraý mádenietin qalyptastyrý. Qalanyń tazalyǵy árbir azamattyń ortaq jaýapkershiligi. Osy arqyly astanalyqtardy qalany taza ustaýǵa úndegimiz keledi. Sonymen qatar, eriktilerdiń belsendiligin arttyrý úshin tazalyq jumysyn túrli oiynmen jáne tanymdyq ádistermen ushtastyryp, senbilikti erekshe formatta uiymdastyrdyq», – dedi «Astana jastary» jastar resýrstyq ortalyǵynyń Jastarmen tárbie jumysy bóliminiń basshysy Sultan Ómirǵaliev.
Senbilikke qatysqan jastar mundai jumystardyń qoǵam úshin mańyzy zor ekenin atap ótti. Olardyń pikirinshe, qalanyń tazalyǵy ár turǵynnyń mádenieti men jaýapkershiliginen bastalady.
«Astana Jastary volonterlik uiymynyń qataryna qosylǵanyma bir jylǵa jýyq ýaqyt boldy. Osy aralyqta túrli ekologiialyq jáne qoǵamdyq is-sharaǵa belsendi qatysyp kelemin. Búgingi senbilikke de jazǵy demalysymyzdy paidaly ótkizip, qalamyzdyń tazalyǵyna úlesimizdi qosý úshin keldik. Biz shashylǵan qoqysty jinap qana qoimai, qorshaǵan ortaǵa uqypty qaraýdyń mańyzyn nasihattaýǵa tyrysamyz. Astananyń tazalyǵy – tek kommýnaldyq qyzmettiń emes, árbir turǵynnyń ortaq jaýapkershiligi. Sondyqtan ár azamat qorshaǵan ortany taza ustap, qoqys tastamaýdy ádetke ainaldyrýy qajet dep oilaimyn», – dedi Astana Jastary volonterlik uiymynyń múshesi Ábilmansur Ámirhan.
