Astanada «Taza Qazaqstan. Astana – tazalyq pen tártiptiń úlgisi» aýqymdy ekologiialyq aktsiiasy jalǵasyp jatyr. «Taza Qazaqstan» jalpyulttyq bastamasy aiasynda sý qoimasyn qoqys pen qaldyqtardan tazartý boiynsha senbilik ótti, dep habarlaidy elorda ákimdiginiń resmi saity.
Ekologiialyq aktsiia Baiqońyr aýdanynda, Qoiandy sý qoimasynyń aýmaǵynda ótti, oǵan 100-den astam adam qatysty.
«Taza Qazaqstan». Astana – tazalyq pen tártiptiń úlgisi» aktsiiasy Baiqońyr aýdanynda belsendi túrde jalǵasýda. Aktsiiaǵa QR PIB ákimshilik ǵimarattar direktsiiasynyń qyzmetkerleri, eńbek ujymdary, jastar jáne aýdan turǵyndary qatysty», - dedi Baiqońyr aýdany ákimi apparatynyń abattandyrý bóliminiń bas mamany Aibek Ashýov.
Aktsiia qoqysty jinaýmen shektelmeidi, sondai-aq halyqtyń ekomádenieti men minez-qulqyn qalyptastyrýǵa, jańa ekologiialyq ádetterdi sińirýge múmkindik beredi.
Ekoaktsiia nátijesinde aýdan aýmaǵynan 5 tonna qoqys shyǵaryldy. Tazalaýǵa tiegishter men samosvaldar syndy 5 túrli arnaiy tehnika jumyldyryldy.
«Taza Qazaqstan» ekologiialyq aktsiiasy aiasynda biz Qoiandy sý qoimasynyń aýmaǵynda senbilik ótkizdik. Bul is-shara qoǵamdyq keńistikterdi tazartýǵa jáne abattandyrýǵa kómektesedi, olardy ómir súrý úshin tartymdy jáne jaily etedi. Taza jáne uqypty aýmaqtar sanitarlyq jaǵdaidy jaqsartýǵa yqpal etedi, bul turǵyndardyń densaýlyǵyna oń áser etedi. Senbilikter – bul tazalyq pen tártipke qosqan úlesi ǵana emes, sonymen qatar belsendi azamattyq ustanym tanytý múmkindigi», – dep bólisti sý nysandary jáne qaldyqtar bóliminiń mamany Ásel Sapbaeva.
Aita keteiik, «Taza Qazaqstan» ekologiialyq aktsiiasy jalǵasýda.
Aýqymdy ekoaktsiia sheńberinde qalany sanitarlyq tazartý, nóser jáne aryq kárizderin tazartý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilýde.
Sondai-aq jasyl jelekterdi kútip ustaý jáne otyrǵyzý, saýda nysandaryna irgeles aýmaqtardy jinaý, kógaldar men gúlzarlardy ornatý jumystary júrgizilýde.
