RBK basylymy Novorossiisk qalasynyń Primorsk aýdandyq soty 5 shildeden bastap Kaspii qubyr konsortsiýmynyń (KQK, Resei men Qazaqstannyń qatysy bar kompaniia) qyzmetin 30 kúnge toqtatý týraly sheshim qabyldaǵanyn habarlady.
Oǵan Rostransnadzordyń KQK óndiris oryndarynda ekologiialyq buzýshylyqtardy anyqtaýy sebep bolypty. Tekserý 6 mamyrda vitse-premer Viktoriia Abramchenkonyń tapsyrmasy boiynsha ótip, bir aidan keiin hattama jasalǵan.
– Kaspii qubyr konsortsiýmy Resei Federatsiiasynyń zańnamasy sheńberinde jumys isteidi jáne sot sheshimin oryndaýǵa májbúr. Sheshimge zańda belgilengen tártippen shaǵymdanýǵa bolady, – dedi kompaniia ókilderi.
KQK iri aktsionerleri «Transneft» (24%) jáne «QazMunaiGaz» (19%).
Eske sala ketsek, naýryz aiynyń sońynda KQK úshinshi qashyqtan bailaý qondyrǵysynyń zaqymdanǵany týraly habarlady. Sonymen qatar, ekinshi qondyrǵydaǵy 9 jáne 13-shi tútikterinda aqaýlar anyqtaldy.
«Kórsetilgen zaqymdar óte mańyzdy jáne qurylǵynyń qaýipsiz jumys isteýine múmkindik bermeidi» dep habarlaǵan edi kompaniia.
KQK-da qajetti qubyrlardy aýystyrý úshin kerekti jabdyqtar bar ekenin atap ótti, biraq sanktsiialarǵa bailanysty qosalqy bólshekter jetkizýge kelisim-shart jasaýda qiyndyqtar týyndaitynyn eskertti. Osyǵan orai, munai aidaý kólemi qysqarǵan edi.
