Niý-Iork qalasynyń qaq ortasyndaǵy áigili Taims-skver alańynda júzdegen musylman jamaǵat bolyp namaz oqydy, dep habarlaidy Dalanews.kz.
Is-shara Wayoflifesq uiymynyń bastamasymen biyl besinshi ret uiymdastyryldy. Aqsham mezgilinde qatysýshylar orazalaryn namaz oqýmen ashty. Uiymdastyrýshylar shamamen 1500 adamǵa tegin taǵam taratqan. Sonymen qatar baǵdarlama aiasynda Quran Kárimniń ártúrli tildegi 1200 danasy úlestirildi.
Uiymdastyrýshylardyń málimetinshe, sharanyń negizgi maqsaty qala turǵyndary men týristerge islam dini men musylman mádenietin keńinen tanystyrý.
Aýyzashardan keiin jinalǵandar Taims-skver alańynda quptan jáne taraýih namazdaryn oqydy. Sońǵy aqparatqa sáikes, is-shara barysynda eki adam shahada keltirip, islam dinin qabyldaǵan.
Aita keteiik, Taims-skver alańynda aýyzashar men jamaǵattyq namaz alǵash ret 2022 jyly ótken bolatyn.
