نيۋ-يورك قالاسىنىڭ قاق ورتاسىنداعى ەيگٸلٸ تايمس-سكۆەر الاڭىندا جٷزدەگەن مۇسىلمان جاماعات بولىپ ناماز وقىدى, دەپ حابارلايدى Dalanews.kz.
ٸس-شارا Wayoflifesq ۇيىمىنىڭ باستاماسىمەن بيىل بەسٸنشٸ رەت ۇيىمداستىرىلدى. اقشام مەزگٸلٸندە قاتىسۋشىلار ورازالارىن ناماز وقۋمەن اشتى. ۇيىمداستىرۋشىلار شامامەن 1500 ادامعا تەگٸن تاعام تاراتقان. سونىمەن قاتار باعدارلاما اياسىندا قۇران كەرٸمنٸڭ ەرتٷرلٸ تٸلدەگٸ 1200 داناسى ٷلەستٸرٸلدٸ.
ۇيىمداستىرۋشىلاردىڭ مەلٸمەتٸنشە, شارانىڭ نەگٸزگٸ ماقساتى قالا تۇرعىندارى مەن تۋريستەرگە يسلام دٸنٸ مەن مۇسىلمان مەدەنيەتٸن كەڭٸنەن تانىستىرۋ.
اۋىزاشاردان كەيٸن جينالعاندار تايمس-سكۆەر الاڭىندا قۇپتان جەنە تاراۋيح نامازدارىن وقىدى. سوڭعى اقپاراتقا سەيكەس, ٸس-شارا بارىسىندا ەكٸ ادام شاحادا كەلتٸرٸپ, يسلام دٸنٸن قابىلداعان.
ايتا كەتەيٸك, تايمس-سكۆەر الاڭىندا اۋىزاشار مەن جاماعاتتىق ناماز العاش رەت 2022 جىلى ٶتكەن بولاتىن.
