Tailandta eki qazaqstandyq qyz quldyqtan bosatyldy. Bul týraly QR Syrtqy ister ministrliginiń resmi ókili Aibek Smadiiarov málimdedi, dep habarlaidy Dalanews.kz.
Astanada ótken brifingte ol istiń mán-jaiyn baiandap berdi. Anyqtalǵandai, qyzdar jasyryn bailanys ortalyǵyndaǵy bos jumys ornyna aldanyp qalǵan. Olar birneshe til biletindikten, jumysqa almaq bolǵan. Biraq sol jaqqa taban tiregen kezde qyzdardy quldyqqa salǵan. Sonymen qatar 10 myń dollardai qarajat talap etken.
"Osy jyly qańtardyń sońynda Tailandtaǵy konsýldyqtyń WhatsApp nómirine habarlama keldi. Onda "Men Qazaqstan azamatymyn. Qai memleket ekenin bilmeimin, djýnglidiń ishinde quldyqqa túsip qaldym, kómektesińizder" dep jazylǵan. Dereý anyqtai bastadyq. Sóitsek bizdiń eki azamatshamyz quldyqqa túsip qalǵan. Eń qyzyǵy ekeýiniń de joǵary bilimi bar, birneshe til biledi. Internetten habarlamany kórip, aldanyp qalǵan. Ár adam basyna 10 myń dollardan aqsha suraǵan. Jergilikti bilikpen jumys istep, bir aida eki azamatsha qutqaryldy. Qazirgi tańda olar elge kele jatyr", - deidi SIM ókili Aibek Smadiiarov.
Aitýynsha, qyzdar Tailandqa bet almas buryn «Altyn burysh» aimaǵynan habardar bolǵan.
