Taijan: "Sheńgeldidegi "piiaz daýy" jai emes, josparlanǵan dúnie"
Sheńgeldiden Almatyǵa oraldym. Áńgime dihandarmen emes, Almatydan kelgen "ult janashyrlarymen" kóbirek boldy. Almatynyń "belsendileri" Geroihan Qystaýbaev, Aigúl Qoqaeva, Aidyn Egeýbaev, Berik Aǵybaev, Ǵabiden Jákei, men bilmeitin taǵy basqa adamdar áńgimege kedergi jasap otyrdy. Daýystaryn kóterip, basqalar sóilegen kezde olarǵa sóz bermei otyrdy.
Eki saǵatqa sozylyp ketken áńgimemizdiń aiaǵynda, aiaq astynan meni bólmeden jibermei, maǵan kádimgi kúsh kórsete bastady. Men mundaidy kútpeppin, biraq meni kúshpen qorqytý – dalbasa áreket ekenin olar áli bilmeidi eken.
Maǵan aiyptary barlar - úsh dihandar kezdesýge keldi. 20 tonna, 40 tonna, 42 tonna. Tolyǵymen shamamen 100 tonnadai. Ol bizdiń sol jyldaǵy obemimizdiń 1,43% ǵana. Iaǵni, bundai máseleden biz ne baiyp kete almaimyz, ne kedei bolyp qalmaimyz.
Úsh jigit - ol Qairat, Qýat jáne Beisen. Qairat (42 tonna) pen Qýatqa (40 tonna) suraq qoidym.
– Nege sizder maǵan eki jyldyń ishinde birde bir ret telefon shalyp aryzdaryńyzdy aitpadyńyzdar?
- Batashqa (Batyrǵali Ámriev) aittyq, Batash qoi piiazymyzdy alyp ketken.
- Jaqsy, al jeke menimen kelisimshart boldy ma? Sizderdiń taraptaryńyzdan... aýyzsha, jazbasha bolsyn? - dep suradym.
- Joq, - deidi, – Sizben bolǵan joq, Batash ýáde etti, eki jyl kútip júrmiz.
- Olai bolsa nege maǵan aiyp qoiyp otyrsyzdar? Iá, ras, Batash, iaǵni Batyrǵali Ámriev, menimen jumys istegen sol jyly, biraq ózi meni laqtyryp ketti ǵoi, aqshamdy alyp, piiaz bermei... Men ony qazir sotqa berip otyrmyn, sony bilesizder me?
- O jaǵyn bilmeppiz. Iá, sizge tikelei habarlasý kerek edi. Moiyndaimyz. Endi bizge aqsha bermeisiz be, aqshamyzdy kimnen suraimyz?
- Sizderge kim ýáde berdi, sodan aqshańyzdy surańyz, – dep aittym. – Al men óz basym Batashty ázir sotqa berdim. Túgel múligine sot arest salyp qoidy. Qazannyń 21 kúni sottyń birinshi otyrysy bolady, – dep, málimdedim. Qaǵida turǵysynda onyń qaryzyn - 125 tonna - qaitartyp alamyn.
Úshinshi jigit, Beisen Shakerov deitin, 40 tonna, Batashpen birge jumys isteidi negizi. Bassyzdyq kórsetip, ózinde sózden basqa esh dálelderi joq, "sen maǵan qaryzsyń", dep otyrdy.
- Jaraidy, olai bolsa meni sotqa ber, – dep qaitardym.
Men jaqtan 5 sharýa kezdesýge keldi, meni aqtap otyrdy. Eki jyl men olarmen birge jumys istegenim úshin rahmet aitty. Ol Samat, Sáken, Nurkiia, Marat degen piiazshylar.
Kezdesýdyń sońynda, men joǵaryda jazǵandai, "qalanyń belsendileri" meni bólmeden shyǵarmai, kúsh qoldandy.
Aidyn Egeýbaev, Ǵabiden Jákei, Berik Aǵybaev, Azat aǵa jáne Geroihan Qystaýbaev. Qatty tań qaldym, muny kútpeppin. Biraq meni bilmeidi, meni "qalalyq bir intelligent" siiaqty ǵana tanidy ǵoi.
Tóbeles bolǵan joq, jai ǵana tartys. Biraq biz arandatýǵa barmai, aýyldyń adamdarymen birge ketip qaldyq. Solai qyzyq boldy. Qazir bular video shaǵara bastaityn shyǵar. Árqaisysynda foto, video, jaqsy daiyndalǵan eken.
Endi qarap otyrsańyz, men debatqa shyqtym, aýylǵa baryp keldim, biraq bular túkte túsingen joq, túsingisi de kelmeidi.
Aýyldyń adamdary maǵan qazir ǵana telefon soǵyp: "bularǵa, deidi, eshqandai shyndyq emes, bularǵa tek Sizdi qaralaý kerek siiaqty", – dep aitty. Halyq túsinedi ǵoi.
Negizi, barǵanymyz durys boldy, ol da men úshin bir paidaly tájiribe boldy.
