Qazaqstan Respýblikasy Syrtqy ister ministrligi quzyrly memlekettik organdarmen birlesip, Taiaý Shyǵystan azamattarymyzdy qaitarý jumystaryn jalǵastyryp keledi, dep habarlaidy Dalanews.kz.
Evakýatsiia bastalǵaly beri rezident jáne rezident emes áýe kompaniialarynyń jalpy sany 12 áýe reisi arqyly 3300-den astam qazaqstandyq elge oraldy.
Áýe reisterimen qatar, azamattardy shyǵarý jerústi joldary arqyly da júzege asyrylýda. Irandaǵy diplomattar 6 naýryzda «Zarkýh» kompaniiasynda jumys isteitin 7 qazaqstandyq azamatty iran-armian shekarasyna jetkizýdi josparlaýda. Buǵan deiin Tegeran men Erevandaǵy diplomattar Iran aýmaǵynda qalǵan «Zarkýh» kompaniiasynyń 34 qyzmetkeriniń elden shyǵýyn uiymdastyryp, olar avtobýspen iran-armian shekarasyn ótti. Jalpy Irannan búginge deiin 52 Qazaqstan azamaty elge qaitaryldy.
Óńirdegi Qazaqstannyń diplomatiialyq ókildikteri evakýatsiia tolyq aiaqtalǵanǵa deiin jergilikti jerde úilestirý jumystaryn jalǵastyryp, shielenis aimaǵyndaǵy otandastarymyzben turaqty bailanysta bolady.
