Taiaý bolashaqta Túrkistan 500-700 myń adam turatyn iri megapoliske ainalady
Túrkistan oblysy ákimi Janseiit Túimebaev myrzanyń aitýynsha, qalada taiaý bolashaqta 500-700 myń adam turatyn bolady. Iá, oblystaǵy demografiialyq kórsetkishtiń oń baǵytta damyp jatqan eskersek, oblys basshysynyń bul boljamy jaqyn bolashaqta shyndyqqa ainalatyna senýge bolady. Ońtústiktegi eńbekqor halyqtyń sany artatyn bolsa, Túrkistan qalasy elimizdegi Shymkent, Alamty siiaqty irgeli qalalarmen iyq tiresetin megapolistke ainalastyny sózsiz.
Búginde qalany josparlaý, jobalaý jumystary qyzý júrip jatyr. Taiaý bolashaqta shaharda halyqaralyq áýejai, jańa vokzal, zamanaýi avtovokzal boi kóteredi.
Túrkistannyń bas josparyna sáikes, qala aýmaǵy 35 myń gektarǵa ulǵaidy. Jańa qalashyq ta salynady. Oǵan 670 gektar jer bólinip qoiyldy. Onyń 170 gektaryna ákimshilik-iskerlik ortalyq, 300 gektaryna kópqabatty turǵyn úiler boi kóteredi. Bul aimaqta keleshekte 65 myńǵa jýyq halyq turady dep kútilýde.
Oblystyń bas sáýletshisi Erkin Júsipovtiń aitýynsha, Túrkistanda jospar boiynsha birinshi kezekte 38 nysan turǵyzylyp, qalanyń kommýnaldyq qyzmet júiesi tolyǵymen qaita jańǵyrtylady. Áziret Sultan kesenesi mańaiynda shyǵys sáýlet úlgisimen jańa murajailar, qyzmet kórsetý oryndary salynyp, qala ishinde iri saýda ortalyqtary boi kóteredi. Túrkistanǵa zamanaýi tehnologiialar, osy zamanǵy júieler «Aqyldy qala», tsifrlandyrý júielerin engizý nazarǵa alynady.
Nurlan Áýbákir, jýrnalist.
