Taýly Qarabaqta urys túni boiy jalǵasty
Armeniia ázirbaijan áskeriniń kún ótken saiyn iri uńǵymaly qarý qoldanyp jatqanyn aitýda.
Eldiń qorǵanys ministrligi Taýly Qarabaqtaǵy eldi mekender men tanylmaǵan memlekettiń qorǵanys ákseriniń shepteri oq astynda qalǵanyn habarlady. Ázirbaijan jaǵy ushqyshsyz basqarylatyn ushý apparattaryn qoldanyp otyrǵany, onyń biri atyp túsirilgeni týraly habar tarady.
Ázirbaijan qorǵanys ministrliginiń baspasóz qyzmeti sońǵy eki kúnde Taýly Qarabaqtaǵy qaqtyǵysta on alty ázirbaijan áskeri qyzmetshisiniń qaza tapqanyn málimdedi.
Ázirbaijan jaǵynyń habarlaýynsha, "túni boiy maidannyń barlyq shebi mazasyz bolǵan". "Armian kúshteri áskerler shektesetin syzyqta ornalasqan eldi mekenderdi atqylaýyn toqtatar emes deidi", – qorǵanys ministrliginiń ókilderi.
Taýly Qarabaqtaǵy shektesý syzyǵynda jaýlasqan taraptar arasyndaǵy jaǵdai 2 sáýirge qaraǵan túni kúrt shielenisip ketti: keskilesken urystar bastalyp, sońynda eki jaq oq atpaý týraly bitimdi buzǵany úshin bir birin aiyptady.
