تاۋلى قاراباقتا ۇرىس تٷنٸ بويى جالعاستى
ارمەنييا ەزٸربايجان ەسكەرٸنٸڭ كٷن ٶتكەن سايىن ٸرٸ ۇڭعىمالى قارۋ قولدانىپ جاتقانىن ايتۋدا.
ەلدٸڭ قورعانىس مينيسترلٸگٸ تاۋلى قاراباقتاعى ەلدٸ مەكەندەر مەن تانىلماعان مەملەكەتتٸڭ قورعانىس ەكسەرٸنٸڭ شەپتەرٸ وق استىندا قالعانىن حابارلادى. ەزٸربايجان جاعى ۇشقىشسىز باسقارىلاتىن ۇشۋ اپپاراتتارىن قولدانىپ وتىرعانى, ونىڭ بٸرٸ اتىپ تٷسٸرٸلگەنٸ تۋرالى حابار تارادى.
ەزٸربايجان قورعانىس مينيسترلٸگٸنٸڭ باسپاسٶز قىزمەتٸ سوڭعى ەكٸ كٷندە تاۋلى قاراباقتاعى قاقتىعىستا ون التى ەزٸربايجان ەسكەري قىزمەتشٸسٸنٸڭ قازا تاپقانىن مەلٸمدەدٸ.
ەزٸربايجان جاعىنىڭ حابارلاۋىنشا, "تٷنٸ بويى مايداننىڭ بارلىق شەبٸ مازاسىز بولعان". "ارميان كٷشتەرٸ ەسكەرلەر شەكتەسەتٸن سىزىقتا ورنالاسقان ەلدٸ مەكەندەردٸ اتقىلاۋىن توقتاتار ەمەس دەيدٸ", – قورعانىس مينيسترلٸگٸنٸڭ ٶكٸلدەرٸ.
تاۋلى قاراباقتاعى شەكتەسۋ سىزىعىندا جاۋلاسقان تاراپتار اراسىنداعى جاعداي 2 سەۋٸرگە قاراعان تٷنٸ كٷرت شيەلەنٸسٸپ كەتتٸ: كەسكٸلەسكەن ۇرىستار باستالىپ, سوڭىندا ەكٸ جاق وق اتپاۋ تۋرالى بٸتٸمدٸ بۇزعانى ٷشٸن بٸر بٸرٸن ايىپتادى.
