Oblystyq Otbasy, balalar jáne jastar isteri jónindegi basqarmasynyń basshysy osy rette«17 qarasha — Halyqaralyq stýdentter kúni» merekesine oraı oblysta uıymdastyrylatyn merekelik sharalarǵa toqtaldy.
«Túrkistan oblysynyń jastary úshin 14-16 qarasha kúnderi oblystyq otbasy, balalar jáne jastar isteri jónindegi basqarmasynyń «Jastar resýrstyq ortalyǵynyń» uıymdastyrýymen «Táýelsizdik – tiregim, Túrkistanym – júregim!» atty óńirlik jastar forýmy ótedi. Sondaı-aq, respýblıkalyq «Tereń tarıhtan – jarqyn bolashaqqa!» atty pikirsaıys týrnıri uıymdastyrylady.
Budan ózge, túrki tildes memleketteriniń jastary arasynda Halyqaralyq «Túrki álemin toǵystyrǵan – Túrkistan!» atty jaıdarman oıyny jastardyń kóńilin kótermek. Onda Qyrǵyzstan, Ózbekstan, Bashqurstan, Tatarstan, Túrkimenstan, Túrkıa Respýblıkalarynyń qurama komandalary men Qazaqstannyń úzdik oıynshylary oblys ákiminiń júldesi úshin saıysqa túsedi», – dedi Balmarjan Polatqyzy.
Jastar merekesi otandyq estrada juldyzdarynyń qatysýymen «Jańarǵan Túrkistan – jastar qalasy!» keshki dýmandy gala-konsertpen túıindilmek.
Aıta ketelik, óńirdegi jastarǵa arnalǵan sharalar munymen shektelip qalmaıdy. Budan buryn Túrkistan oblysynyń «Jastar resýrstyq ortalyǵy» mekemesiniń basshysy Bereke Dýısebekov el Táýelsizdiginiń 27 jyldyq merekesine oraı Túrkistan oblysy jastarynyń arasynda «Túrkistan jastar premıasy» baıqaýy ótkiziletinin habarlaǵan bolatyn.
