ShQO ákimi Danial Ahmetov shyǵysqazaqstandyqtardy Uly merekemen quttyqtap, elimizdiń Tuńǵysh Prezidenti Nursultan Nazarbaevtyń egemen memlekettiń qalyptasýy men Qazaqstannyń jetistikterindegi rólin atap ótti.
– Táýelsizdik jyldarynda Qazaqstan memlekettiligin nyǵaitýda, áleýmettik – ekonomikalyq damýda aitarlyqtai jetistikterge qol jetkizdi, – dep atap ótti Danial Ahmetov.
– Tuńǵysh Prezident Nursultan Nazarbaevtyń dana kóregen saiasatynyń jáne barsha qazaqstandyqtardyń yntymaqty eńbeginiń arqasynda elimizde jalpyulttyq ideianyń mańyzdy quramdas bóligine, qoǵamdaǵy kelisimniń negizine ainalǵan keń aýqymdy reformalar men qaita qurýlar tabysty júzege asyryldy. Qazirgi Qazaqstan – beibitshilik aýmaǵy, ulttyq birliktiń jáne Otanymyzdyń búgini men bolashaǵy úshin ortaq jaýapkershiliktiń simvoly.
Táýelsizdik kúni qarsańynda Shyǵys Qazaqstanda áleýmettik mańyzy bar nysandar ashyldy, al oblys turǵyndary jańa qonys toiyn toilady.
Eki jyl buryn Glýbokoe kentinde esep berý kezdesýleriniń birinde turǵyndar aýdandaǵy mádeni mekemeniń joqtyǵyna shaǵymdanǵan edi.
Ótinish nazarǵa alynyp, koronavirýstyq pandemiiaǵa bailanysty engizilgen qatań shekteýlerge qaramastan, Táýelsizdik kúni qarsańynda jańa Mádeniet úii aýdan turǵyndaryna esigin aiqara ashty.
Aiagóz aýdanynda 120 otbasy «Nurly jer» baǵdarlamasy aiasynda salynǵan 60 páterli eki úidiń jańa qonystanýshylary boldy. Aiagóz aýdanynyń taǵy 20 kópbalaly otbasy bir qabatty úilerdiń kiltterin aldy.
Tarbaǵatai aýdanynyń turǵyndary mereke qarsańynda eki páterli 11 úige qonystanýǵa múmkindik aldy. Besqaraǵai aýdanynyń taǵy 10 otbasyna eki páterli 5 úidiń kilti tabys etildi. Kýrchatovta jetim jáne ata-anasynyń qamqorlyǵynsyz qalǵan 6 balaǵa páter berildi. Sondai-aq, atalǵan úidegi páter kiltterin Kýrchatovtyń 7 turǵyny aldy, olardyń úileri apatty dep tanyldy jáne bir kóp balaly otbasy aldy. Sonymen qatar, mereke qarsańynda Semei men Úrjar aýdanynda kópbalaly otbasylar jańa páterlerge qonystandy.
Oblys ortalyǵynda ataýly kún qarsańynda oqýshylar arasynda shaibaly hokkeiden "Juldyzsha" qalalyq týrniri ótkizildi, al "Samal" saiabaǵynda, "Altai" stadionynda, Komsomolskii aralynda jáne etnoparkte konkimen syrǵanaý úshin muz alańdary ashyldy. Sonymen qatar, "Sáýlet 2020" jas sáýletshiler forýmy ótti.
Oblystyń barlyq qalalary men aýdandarynda onlain formatta merekelik kontsertter ótti. Sonymen qatar, Shyǵys Qazaqstannyń damýyna qosqan úlesi úshin belsendi azamattar marapattaldy. Respýblikanyń Táýelsizdik kúni týraly baiandaityn biryńǵai synyp saǵattary, ǵylymi ziialy qaýym, quqyq qorǵaý organdarynyń qatysýymen "Beibitshilik jáne jasampazdyq jyldary" onlain-konferentsiiasy, qaiyrymdylyq aktsiialary, kitap kórmeleri, mánerlep oqý konkýrstary ótti.
Sonymen qatar, oblys turǵyndary «Meniń Týym. Meniń Otanym!» aktsiiasyna qatysty. Osylaisha, Shyǵys Qazaqstanda 383 Memlekettik Tý, 317 jalaýsha jáne Tý beinelengen 35 banner ilindi.
