Aldymen tilshiler «Kóktem-2» turǵyn aýdanyna aıaldady. Onda 36 páterlik úsh birdeı kópqabatty turǵyn baspana kezeginde turǵan azamattarǵa berildi. Saltanatty sharada oblys ákiminiń orynbasary T.Sársembaev turǵyndardy merekemen quttyqtap, 108 páterdiń kiltin qýanysh ıelerine tabystady.
Úsh qabattan turatyn nysandardyń jalpy smetalyq quny 841 mlrd. 781 mln. teńgeni quraǵan. Qurylys jumystary 2017 jyly bastalyp, bıyl aıaqtalǵan.
Sondaı-aq, mereke qarsańynda atalǵan móltek aýdannyń mańynda jańa sport alańshasy el ıgiligine berildi. Jobanyń jalpy smetalyq quny 60 mln. teńge. Balalarǵa arnalǵan alańshanyń qurylys jumystaryn «Samuryq – Qazyna Trans» AQ-nyń tapsyrysymen merdiger «Master – Qazstroı» JSHS júrgizgen.
Odan bólek, jýrnalıser abattandyrý jumystarynan ótken qos birdeı saıabaqty aralap kórdi. Ál-Farabı kóshesi boıynda ornalasqan «Qurmetti azamattar» saıabaǵyn abattandyrý jumystarynyń smetalyq quny 46999,74 mln. teńgeni quraǵan. Qurylys jumystar ótken jyly bastalyp, bıyl aıaqtalyp otyr. Onda aǵashtar otyrǵyzylyp, oryndyqtar men jaryqshamdarmen qamtylǵan. Osy kósheniń boıyndaǵy abattandyrý jumystary júrgizilgen «Máńgilik el» saıabaǵy da eldiń qýanyshyna aınalyp otyr. 79677, 135 mln teńge
Jalpy Arys qalasynda merekege oraı qalada 16 nysan el ıgiligine berildi. Atap aıtqanda, úsh bilim, eki saıabaq, úsh turǵyn úı, bir sport alańshasy, eki birdeı kópir, jáne eki nysan elektr energıasymen jabdyqtalyp, birneshe aýmaqtarǵa abattandyrý jumystary júrgizilgen.
Túrkistan oblysy ákiminiń baspasóz qyzmeti
