تۇركىستان وبلىسى اكىمىنىڭ باسپا ءسوز قىزمەتى ب ا ق وكىلدەرى ءۇشىن ارىس قالاسىنا پرەسس-تۋر ۇيىمداستىردى. وندا جۋرناليستەر تاۋەلسىزدىك مەرەكەسى قارساڭىندا جاڭادان پايدالانۋعا بەرىلگەن كوپقاباتتى تۇرعىن ءۇي جانە ءبىرقاتار الەۋمەتتىك نىسانداردىڭ اشىلۋ راسىمىنە قاتىستى.

الدىمەن تىلشىلەر «كوكتەم-2» تۇرعىن اۋدانىنا ايالدادى. وندا 36 پاتەرلىك ءۇش بىردەي كوپقاباتتى تۇرعىن باسپانا كەزەگىندە تۇرعان ازاماتتارعا بەرىلدى. سالتاناتتى شارادا وبلىس اكىمىنىڭ ورىنباسارى ت.سارسەمبايەۆ تۇرعىنداردى مەرەكەمەن قۇتتىقتاپ، 108 پاتەردىڭ كىلتىن قۋانىش يەلەرىنە تابىستادى.

ءۇش قاباتتان تۇراتىن نىسانداردىڭ جالپى سمەتالىق قۇنى 841 ملرد. 781 ملن. تەڭگەنى قۇراعان. قۇرىلىس جۇمىستارى 2017 جىلى باستالىپ، بيىل اياقتالعان.

سونداي-اق، مەرەكە قارساڭىندا اتالعان مولتەك اۋداننىڭ ماڭىندا جاڭا سپورت الاڭشاسى ەل يگىلىگىنە بەرىلدى. جوبانىڭ جالپى سمەتالىق قۇنى 60 ملن. تەڭگە. بالالارعا ارنالعان الاڭشانىڭ قۇرىلىس جۇمىستارىن «سامۇرىق – قازىنا ترانس» اق-نىڭ تاپسىرىسىمەن مەردىگەر «ماستەر – قازستروي» ج ش س جۇرگىزگەن.

ودان بولەك، جۋرناليستەر اباتتاندىرۋ جۇمىستارىنان وتكەن قوس بىردەي ساياباقتى ارالاپ كوردى. ءال-فارابي كوشەسى بويىندا ورنالاسقان «قۇرمەتتى ازاماتتار» ساياباعىن اباتتاندىرۋ جۇمىستارىنىڭ سمەتالىق قۇنى 46999،74  ملن. تەڭگەنى قۇراعان. قۇرىلىس جۇمىستار وتكەن جىلى باستالىپ، بيىل اياقتالىپ وتىر. وندا اعاشتار وتىرعىزىلىپ، ورىندىقتار مەن جارىقشامدارمەن قامتىلعان. وسى كوشەنىڭ بويىنداعى اباتتاندىرۋ جۇمىستارى جۇرگىزىلگەن «ماڭگىلىك ەل» ساياباعى دا ەلدىڭ قۋانىشىنا اينالىپ وتىر. 79677، 135  ملن تەڭگە

جالپى ارىس قالاسىندا مەرەكەگە وراي قالادا 16 نىسان ەل يگىلىگىنە بەرىلدى. اتاپ ايتقاندا، ءۇش ءبىلىم، ەكى ساياباق، ءۇش تۇرعىن ءۇي، ءبىر سپورت الاڭشاسى، ەكى بىردەي كوپىر، جانە ەكى نىسان ەلەكتر ەنەرگياسىمەن جابدىقتالىپ، بىرنەشە اۋماقتارعا اباتتاندىرۋ جۇمىستارى جۇرگىزىلگەن.



تۇركىستان وبلىسى اكىمىنىڭ باسپا ءسوز قىزمەتى