Búginde oblys basshysy Danıal Ahmetovtyń ózi densaýlyq saqtaý salasyn nyǵaıtýǵa basy kóńil bólip keledi. Sonyń arqasynda SHQO elimizdegi aımaqtar arasynda medısına salasy jetilgen óńir retinde tanylyp otyr. Osy rette óńirdegi densaýlyq saqtaý salasynyń jetistikter bir kúnde ornaǵan joq. Bul jyldar boıyǵy tabandy eńbektiń arqasy desek bolady.
Óz kezeginde Danıal Kenjetaıuly 2017-2021 jyldar arylǵynda oblystyń densaýlyq saqtaý salasyn nyǵaıtý úshin asa qajet 3 myńnan astam sapaly, zaman talabyna saı medısınalyq qural-jabdyqtar satyp alynǵanyn alǵa tartqan bolatyn. Osylaısha birineshe jyldyń ishinde óńirdegi joǵary tehnologıaly medjabdyqtardyń kólemi 2,5 esege artyp, oblys turǵyndarynyń densaýlyǵy jaqsara túsken. Dál osy kezeńde 216 sý jańa jedel járdem kóligi alynyp, halyqtyń ıgiligine berilgenin aıta ketýimiz kerek.
Al densaýlyq saqtaý salasyndaǵy bıylǵy jyldyń basty jańalyǵy retinde kópten kútken Semeı qalasyndaǵy ıadrolyq medısına ortalyǵy onkologıalyq dıspanserdiń ashylǵanyn aıryqsha atap aıtýǵa bolady. Bul ortalyq tek SHQO turǵyndarynyń ǵana emes tutas eldiń ıgiligi úshin jumys isteıtini anyq. Osylaısha SHQO 2021 jyly da densaýlyq salasyn nyǵaıtyp, bıik belesten kórine bildi.
