ٶز كەزەگٸندە دانيال كەنجەتايۇلى 2017-2021 جىلدار ارىلعىندا وبلىستىڭ دەنساۋلىق ساقتاۋ سالاسىن نىعايتۋ ٷشٸن اسا قاجەت 3 مىڭنان استام ساپالى, زامان تالابىنا ساي مەديتسينالىق قۇرال-جابدىقتار ساتىپ الىنعانىن العا تارتقان بولاتىن. وسىلايشا بٸرٸنەشە جىلدىڭ ٸشٸندە ٶڭٸردەگٸ جوعارى تەحنولوگييالى مەدجابدىقتاردىڭ كٶلەمٸ 2,5 ەسەگە ارتىپ, وبلىس تۇرعىندارىنىڭ دەنساۋلىعى جاقسارا تٷسكەن. دەل وسى كەزەڭدە 216 سۋ جاڭا جەدەل جەردەم كٶلٸگٸ الىنىپ, حالىقتىڭ يگٸلٸگٸنە بەرٸلگەنٸن ايتا كەتۋٸمٸز كەرەك.
ال دەنساۋلىق ساقتاۋ سالاسىنداعى بيىلعى جىلدىڭ باستى جاڭالىعى رەتٸندە كٶپتەن كٷتكەن سەمەي قالاسىنداعى يادرولىق مەديتسينا ورتالىعى ونكولوگييالىق ديسپانسەردٸڭ اشىلعانىن ايرىقشا اتاپ ايتۋعا بولادى. بۇل ورتالىق تەك شقو تۇرعىندارىنىڭ عانا ەمەس تۇتاس ەلدٸڭ يگٸلٸگٸ ٷشٸن جۇمىس ٸستەيتٸنٸ انىق. وسىلايشا شقو 2021 جىلى دا دەنساۋلىق سالاسىن نىعايتىپ, بيٸك بەلەستەن كٶرٸنە بٸلدٸ.
