– Qazaqstan metalýrgıasy Táýelsizdik jyldary úlken qıyndyqtardy eńserdi. Toqsanynshy jyldardyń basynda óte qıyn kezeńderdi bastan keshtik. Ol kezde óndirgen ónimdi ótkizý, saýdalaýdyń joldary tolyqtaı kúıregen edi. Qaı baǵytta qımyldaýdyń ózi belgisiz bolatyn.
Osyndaı qıyn kezeńde bizder Tuńǵysh Prezıdentimiz, Elbasy Nursultan Nazarbaevtyń kóregendi saıasatyna arqa súıep, qıynshylyqty eńserdik. Elbasynyń strategıalyq oılaý júıesini jalǵyz bizdi ǵana emes, tutastaı el ekonomıkasyn úlken qıynshylyqtan alyp shyqty dep esepteımin. Bul úshin Elbasyna alǵys aıtamyz.
Elimiz táýelsizdik alǵan jyldary Nursultan Ábishulynyń «aldymen ekonomıka, sodan keıin saıasat» degen qaǵıdasy el damýyna serpin berip, elimizdiń jarqyn bolashaqqa bastady.
Táýelsizdikke qol jetkizgen 30 jyldaǵy Qazaqstannyń metalýrgıa salasyn úsh kezeńge bólip qaraýǵa bolady. Birinshi kezeń – odaqtyń qulap, qıynshylyqtardyń paıda boldy. Bul kezeńde óndiristi qalypqa keltirý, osyǵan deıingi óndiristik tehnologıa, jumysshy mamandary saqtap qalaý mańyzdy mindet boldy. Bizder áýpirimdep júrip osy maqsatty júzege asyrdyq.
Ekinshi kezeńde – óndiristik prosesti jańǵyrtyp, zamanaýı sheshimder qabyldaýymyzǵa týra keldi. Sol kezde Táýelsizdik bizdiń kásiporynnyń aldyna jańa mindetter qoıǵanyn túsindik. Keńes zamanynda ónim óndirip, ony joǵary jaqqa jóneltý keldik. Al Táýelsizdik alǵan soń elimizdiń altyn qoryn qalyptastyrý mindeti turdy. Osylaıshy alǵashqy affınaj zaýytyn iske qosyp, elimizdiń altyn qoryn qalyptastyrǵanymyzdy maqtanyshpen aıta alamyn.
Úshinshi kezeńde – Qazaqstan metalýrgıasy kózdegen maqsatyna tolyqtaı kóz jetkizgenin baıqaýǵa bolady. Bizder aldaǵy ýaqytta Táýelsizdik jyldary qol jetkizgen tabystarymyzǵa toqmeılismeı alǵa qaraı qadam basyp, el ekonomıkasyn órkendetý jolyndaǵy jumystarymyzdy jalǵastyra beremiz. Qazirgi tańda Shyǵys Qazaqstan oblysy ákimi Danıal Ahmetovtyń qoldaýymen óndirisimizdi keńeıtip, óńir halqynyń ál-aýqatyn jaqsartýǵa kúsh salyp kelemiz, – dep Turarbek Ázkenov Qazaqstan metalýrıasynyń júrip ótken joly jaıynda baıandap berdi.
