Almaty oblysynda jalpy óńirlik ónim kólemi táýelsizdiktiń alǵashqy jyldarynda 35 mln.teńge bolsa, búgingi kúni bul kórsetkish 3 trln 700 mlrd teńgege jetti, – dep habarlaıdy Dalanews.kz Almaty oblysy ákiminiń baspasóz qyzmetige silteme jasap.

Oblys aýmaǵynda ónerkásip ónimin shyǵarý 9,5 mln teńgeden 1 trln 200 mlrd teńgege deıin ósti, al aýyl sharýashylyǵynyń jalpy ónimi bıyl 1 trln teńgeden asqan Bul týraly búgin Ortalyq komýnıkasıalar qyzmeti alańyndaǵy brıfıń barysynda Almaty oblysynyń ákimi Amandyq Batalov málimdedi.

– 30 jyl ishinde óńirde 14,5 mln sharshy metr turǵyn úı paıdalanýǵa berildi. Al búdjet túsimderi 1997 jylǵy 11 mlrd teńgeden búgingi kúni 742 mlrd  teńgege deıin ósti. 30 jylda oblys ekonomıkasyna 6,5 trln teńge ınvestısıa salyndy, – dep atap ótti Amandyq Batalov.