Almatyda HONOR TECH CLUB aiasynda kezdesý ótip, onda qazaqstandyq aýditoriiaǵa alǵash ret HONOR Robot Phone smartfony ekskliýzivti túrde tanystyryldy. Bul brendtiń eń erekshe tehnologiialyq sheshimderiniń biri sanalady, dep habarlaidy dalanews.kz.
Shaǵyn formatta ótken kezdesý barysynda qonaqtar qurylǵymen jaqynyraq tanysyp qana qoimai, mobildi túsirilim, robototehnika jáne jasandy intellekt múmkindikterin biriktiretin smartfonnyń jańa tujyrymdamasyn kózben kórýge múmkindik aldy.
HONOR Robot Phone ázirge álemdik naryqqa shyǵarylǵan joq. Qurylǵy qazirgi tańda tek Qytaida satylady. Onyń satylymy 2026 jyldyń tamyzynda bastalǵan. Sondyqtan Qazaqstandaǵy tanystyrylym jýrnalisterge bul tehnologiiamen alǵashqylardyń biri bolyp tanysýǵa jáne HONOR mobildi qurylǵylardyń kelesi býynyn qalai elestetetinin kórýge múmkindik berdi.
Kamerasyn qozǵaltatyn smartfon
HONOR Robot Phone-nyń basty ereksheligi – smartfon korpýsynyń ishine tikelei ornatylǵan ýltrakompakt HONOR Titanium Agile Gimbal robottandyrylǵan aspasy. 4DoF tehnologiiasy boiynsha jumys isteitin júie 100-den astam joǵary dáldikti komponentten turady jáne kameranyń fizikalyq baǵytyn ózgertýge múmkindik beredi.
Salmaǵy nebári 2,6 gramm bolatyn titan jetegi kamerany sekýndyna 360 gradýsqa deiingi jyldamdyqpen basqarýǵa múmkindik beredi. Osylaisha smartfon keskindi turaqtandyryp qana qoimai, túsirilim baǵytyn da ózdiginen ózgerte alady. Bul foto jáne beinematerial jasaýǵa arnalǵan jańa múmkindikterdi ashady.
HONOR málimetinshe, robottandyrylǵan aspany ázirleý úshin 60-tan astam innovatsiialyq óndiristik protsess qoldanylǵan. Injenerler júieniń jalpy kólemin 65%-ǵa qysqartyp, keń taralǵan turaqtandyrǵyshtarmen salystyrǵanda konstrýktsiianyń beriktigin 200%-ǵa arttyrǵan.
Smartfondaǵy kinematografiialyq múmkindikter
Kezdesý barysynda HONOR-dyń kinematografiia salasyndaǵy kásibi sheshimderimen tanymal ARRI kompaniiasymen tehnologiialyq seriktestigine de erekshe nazar aýdaryldy.
Agile Gimbal negizgi kamerasy 1/1,28 diýimdik 200 megapikseldi sensormen jáne f/1,6 diafragmasymen jabdyqtalǵan. Kamera ARRI CINEMA rejiminde 10 bittik beineni ARRI LogC3 formatynda jazýdy qoldaidy.
Sonymen qatar smartfonda 2,7 ese optikalyq úlkeitýi bar 200 megapikseldi periskoptyq telefoto kamera jáne kórý buryshy 122 gradýs bolatyn 50 megapikseldi ýltrakeń buryshty kamera bar.
HONOR men ARRI tehnologiialary ARRI LogC3, ARRI Wide Gamut 3 jáne ARRI Looks sheshimderin HONOR H1 keskin óńdeý chipimen biriktiredi. Bul tásil jaryq pen kóleńke aimaqtaryndaǵy aqparatty kóbirek saqtaýǵa, keiingi tústi óńdeý múmkindikterin keńeitýge jáne túsirilgen materialdy DaVinci Resolve siiaqty kásibi postóńdeý quraldaryna tikelei engizýge múmkindik beredi.
Túsirilim kezinde qoldanylatyn jasandy intellekt tehnologiialary beineniń signal/shý araqatynasyn 8 dB-ǵa jaqsartyp, dinamikalyq diapazondy 14 stopqa deiin keńeitýge múmkindik beredi.
Jasandy intellekt fizikalyq keńistikpen áreketteskende
HONOR Robot Phone-nyń taǵy bir negizgi ereksheligi – «voploshennyi iskýsstvennyi intellekt», iaǵni fizikalyq keńistikpen árekettese alatyn jasandy intellekt tujyrymdamasy (Embodied AI).
Dástúrli jasandy intellekt negizinen baǵdarlamalyq ortada jumys istese, Robot Phone intellektýaldy fýnktsiialardy robottandyrylǵan kamera mehanizmi arqyly fizikalyq keńistikpen bailanystyrady.
Smartfonda Tilt Lock, FPV, FPV Vertical jáne AI SpinShot siiaqty intellektýaldy túsirilim rejimderi bar. Olar paidalanýshynyń qolmen basqarýyn barynsha azaityp, dinamikalyq ári birqalypty kadrlar jasaýǵa múmkindik beredi.
YOYO Robot Mode rejiminde qurylǵy mýltimodaldy qabyldaý, konteksti túsiný, ym-isharany taný jáne fizikalyq qozǵalys múmkindikterin biriktiredi.
AI Live-Tracking fýnktsiiasy túsirilim, tikelei efir nemese beineqońyraý kezinde adamdy avtomatty túrde kadrdyń ortasynda ustap turady. Al ym-ishara arqyly basqarý robottandyrylǵan kameramen smartfonǵa qol tigizbei jumys isteýge múmkindik beredi.
Sonymen qatar YOYO Auto Execution fýnktsiiasy júielik AI-agentke paidalanýshynyń nietin túsinip, qoldaý kórsetiletin qosymshalar men baptaýlarda kúrdeli tapsyrmalardy oryndaýǵa múmkindik beredi.
Ashyq Agent Skills interfeisi úshinshi tarap ázirleýshilerine smartfonnyń robottandyrylǵan aspasy men qorshaǵan ortany qabyldaý júiesin paidalana otyryp, jańa quraldar men ózara áreket stsenariilerin jasaýǵa jol ashady.
Flagmandyq ónimdilik
Erekshe konstrýktsiiasyna qaramastan, HONOR Robot Phone tolyqqandy flagman smartfon retinde usynylady.
Qurylǵy Snapdragon 8 Elite Gen 5 protsessorymen, syiymdylyǵy 7060 mA·saǵ HONOR Silicon-carbon akkýmýliatorymen jabdyqtalǵan. Smartfon 120 Vt qýatty symdy jáne 50 Vt qýatty symsyz zariadtaýdy qoldaidy.
HONOR Robot Phone 6,31 diýimdik LTPO OLED displeiimen jabdyqtalǵan. Ekrannyń jańartý jiiligi 1-den 120 Gts-ke deiin avtomatty túrde retteledi, al eń joǵary jaryqtyǵy 6800 nitke jetedi.
Korpýsy tutas metaldan jasalǵan. Displei HONOR NanoCrystal Shield qorǵanysh áinegimen qorǵalǵan.
Ázirge tek Qytai naryǵynda
Qazirgi ýaqytta HONOR Robot Phone álemdik naryqqa shyǵarý úshin jariialanǵan joq. Smartfon ázirge tek Qytaida qoljetimdi.
Sonymen birge Robot Phone-da alǵash ret usynylǵan tehnologiialar HONOR-dyń mobildi fotografiia, jasandy intellekt jáne robottandyrylǵan qurylǵylardy odan ári damytý baǵyttarynyń biri retinde qarastyrylyp otyr.
HONOR men ARRI seriktestigi aiasynda jasalǵan tehnologiialardy kompaniia aldaǵy HONOR Magic9 seriiasynda da damytýdy josparlap otyr.
Qazaqstanda HONOR Robot Phone-nyń tanystyrylýy qurylǵyny álemdik naryqqa shyqqanǵa deiin kórýge múmkindik berdi. Bul jai ǵana jańa smartfonnyń tanystyrylymy emes, HONOR-dyń bolashaqtaǵy mobildi qurylǵylar qandai bolýy múmkin degen kózqarasyn kórsetetin tehnologiialyq joba boldy.
