Алматыда HONOR TECH CLUB аясында кездесу өтіп, онда қазақстандық аудиторияға алғаш рет HONOR Robot Phone смартфоны эксклюзивті түрде таныстырылды. Бұл брендтің ең ерекше технологиялық шешімдерінің бірі саналады, деп хабарлайды dalanews.kz.
Шағын форматта өткен кездесу барысында қонақтар құрылғымен жақынырақ танысып қана қоймай, мобильді түсірілім, робототехника және жасанды интеллект мүмкіндіктерін біріктіретін смартфонның жаңа тұжырымдамасын көзбен көруге мүмкіндік алды.
HONOR Robot Phone әзірге әлемдік нарыққа шығарылған жоқ. Құрылғы қазіргі таңда тек Қытайда сатылады. Оның сатылымы 2026 жылдың тамызында басталған. Сондықтан Қазақстандағы таныстырылым журналистерге бұл технологиямен алғашқылардың бірі болып танысуға және HONOR мобильді құрылғылардың келесі буынын қалай елестететінін көруге мүмкіндік берді.
Камерасын қозғалтатын смартфон
HONOR Robot Phone-ның басты ерекшелігі – смартфон корпусының ішіне тікелей орнатылған ультракомпакт HONOR Titanium Agile Gimbal роботтандырылған аспасы. 4DoF технологиясы бойынша жұмыс істейтін жүйе 100-ден астам жоғары дәлдікті компоненттен тұрады және камераның физикалық бағытын өзгертуге мүмкіндік береді.
Салмағы небәрі 2,6 грамм болатын титан жетегі камераны секундына 360 градусқа дейінгі жылдамдықпен басқаруға мүмкіндік береді. Осылайша смартфон кескінді тұрақтандырып қана қоймай, түсірілім бағытын да өздігінен өзгерте алады. Бұл фото және бейнематериал жасауға арналған жаңа мүмкіндіктерді ашады.
HONOR мәліметінше, роботтандырылған аспаны әзірлеу үшін 60-тан астам инновациялық өндірістік процесс қолданылған. Инженерлер жүйенің жалпы көлемін 65%-ға қысқартып, кең таралған тұрақтандырғыштармен салыстырғанда конструкцияның беріктігін 200%-ға арттырған.
Смартфондағы кинематографиялық мүмкіндіктер
Кездесу барысында HONOR-дың кинематография саласындағы кәсіби шешімдерімен танымал ARRI компаниясымен технологиялық серіктестігіне де ерекше назар аударылды.
Agile Gimbal негізгі камерасы 1/1,28 дюймдік 200 мегапиксельді сенсормен және f/1,6 диафрагмасымен жабдықталған. Камера ARRI CINEMA режимінде 10 биттік бейнені ARRI LogC3 форматында жазуды қолдайды.
Сонымен қатар смартфонда 2,7 есе оптикалық үлкейтуі бар 200 мегапиксельді перископтық телефото камера және көру бұрышы 122 градус болатын 50 мегапиксельді ультракең бұрышты камера бар.
HONOR мен ARRI технологиялары ARRI LogC3, ARRI Wide Gamut 3 және ARRI Looks шешімдерін HONOR H1 кескін өңдеу чипімен біріктіреді. Бұл тәсіл жарық пен көлеңке аймақтарындағы ақпаратты көбірек сақтауға, кейінгі түсті өңдеу мүмкіндіктерін кеңейтуге және түсірілген материалды DaVinci Resolve сияқты кәсіби постөңдеу құралдарына тікелей енгізуге мүмкіндік береді.
Түсірілім кезінде қолданылатын жасанды интеллект технологиялары бейненің сигнал/шу арақатынасын 8 дБ-ға жақсартып, динамикалық диапазонды 14 стопқа дейін кеңейтуге мүмкіндік береді.
Жасанды интеллект физикалық кеңістікпен әрекеттескенде
HONOR Robot Phone-ның тағы бір негізгі ерекшелігі – «воплощенный искусственный интеллект», яғни физикалық кеңістікпен әрекеттесе алатын жасанды интеллект тұжырымдамасы (Embodied AI).
Дәстүрлі жасанды интеллект негізінен бағдарламалық ортада жұмыс істесе, Robot Phone интеллектуалды функцияларды роботтандырылған камера механизмі арқылы физикалық кеңістікпен байланыстырады.
Смартфонда Tilt Lock, FPV, FPV Vertical және AI SpinShot сияқты интеллектуалды түсірілім режимдері бар. Олар пайдаланушының қолмен басқаруын барынша азайтып, динамикалық әрі бірқалыпты кадрлар жасауға мүмкіндік береді.
YOYO Robot Mode режимінде құрылғы мультимодальды қабылдау, контексті түсіну, ым-ишараны тану және физикалық қозғалыс мүмкіндіктерін біріктіреді.
AI Live-Tracking функциясы түсірілім, тікелей эфир немесе бейнеқоңырау кезінде адамды автоматты түрде кадрдың ортасында ұстап тұрады. Ал ым-ишара арқылы басқару роботтандырылған камерамен смартфонға қол тигізбей жұмыс істеуге мүмкіндік береді.
Сонымен қатар YOYO Auto Execution функциясы жүйелік AI-агентке пайдаланушының ниетін түсініп, қолдау көрсетілетін қосымшалар мен баптауларда күрделі тапсырмаларды орындауға мүмкіндік береді.
Ашық Agent Skills интерфейсі үшінші тарап әзірлеушілеріне смартфонның роботтандырылған аспасы мен қоршаған ортаны қабылдау жүйесін пайдалана отырып, жаңа құралдар мен өзара әрекет сценарийлерін жасауға жол ашады.
Флагмандық өнімділік
Ерекше конструкциясына қарамастан, HONOR Robot Phone толыққанды флагман смартфон ретінде ұсынылады.
Құрылғы Snapdragon 8 Elite Gen 5 процессорымен, сыйымдылығы 7060 мА·сағ HONOR Silicon-carbon аккумуляторымен жабдықталған. Смартфон 120 Вт қуатты сымды және 50 Вт қуатты сымсыз зарядтауды қолдайды.
HONOR Robot Phone 6,31 дюймдік LTPO OLED дисплейімен жабдықталған. Экранның жаңарту жиілігі 1-ден 120 Гц-ке дейін автоматты түрде реттеледі, ал ең жоғары жарықтығы 6800 нитке жетеді.
Корпусы тұтас металдан жасалған. Дисплей HONOR NanoCrystal Shield қорғаныш әйнегімен қорғалған.
Әзірге тек Қытай нарығында
Қазіргі уақытта HONOR Robot Phone әлемдік нарыққа шығару үшін жарияланған жоқ. Смартфон әзірге тек Қытайда қолжетімді.
Сонымен бірге Robot Phone-да алғаш рет ұсынылған технологиялар HONOR-дың мобильді фотография, жасанды интеллект және роботтандырылған құрылғыларды одан әрі дамыту бағыттарының бірі ретінде қарастырылып отыр.
HONOR мен ARRI серіктестігі аясында жасалған технологияларды компания алдағы HONOR Magic9 сериясында да дамытуды жоспарлап отыр.
Қазақстанда HONOR Robot Phone-ның таныстырылуы құрылғыны әлемдік нарыққа шыққанға дейін көруге мүмкіндік берді. Бұл жай ғана жаңа смартфонның таныстырылымы емес, HONOR-дың болашақтағы мобильді құрылғылар қандай болуы мүмкін деген көзқарасын көрсететін технологиялық жоба болды.
