Almatyda TikTok áleýmettik jelisinde ádepsiz sózder qoldanyp, beinejazba jariialaǵan eki bloger ákimshilik jaýapkershilikke tartyldy, dep habarlaidy dalanews.kz.
Ishki ister ministrliginiń málimetinshe, Naýryzbai aýdandyq politsiia basqarmasynyń qyzmetkerleri TikTok jelisin monitoringteý barysynda eki jas jigittiń balaǵat jáne qorlaityn sózder qoldanǵan videosyn anyqtaǵan. Video avtorlary ony ázil-syqaq kontenti retinde usynǵan.
Tekserý barysynda beinejazbaǵa qatysqandardyń jeke basy anyqtaldy. Olar – 25 jastaǵy Ibraim Stambekov pen 21 jastaǵy Abai Abdyhanov. Atalǵan derek boiynsha ekeýi de ákimshilik jaýapkershilikke tartylyp, sot sheshimimen kináli dep tanyldy. Nátijesinde árqaisysy bes táýlikke ákimshilik qamaýǵa alyndy.
Politsiia qoǵamdyq aqparattyq keńistikte boqaýyz sózder aityp, qorlaityn pikirler jariialaý zań boiynsha jaýapkershilikke ákeletinin eske saldy.
«Ázil formatynda jariialanǵan kontent bolsa da, onyń mazmuny úshin jaýapkershilikten bosatpaidy», – dep málimdedi IIM.
