Ishki ister ministrligi Quryltai depýtaty Azat Perýashevke qatysty kórineý jalǵan aqparat taratý deregi boiynsha sotqa deiingi tergeýdi bastady. Qylmystyq is 28 qyrkúiekte tirkelgen. Bul týraly IIM basshysynyń orynbasary Sanjar Ádilov málimdedi, dep habarlaidy dalanews.kz.
Onyń aitýynsha, qazir kiberqylmysqa qarsy kúres bólimsheleri jalǵan málimet jariialanǵan internet-resýrstardyń ielerin anyqtap jatyr. Mamandar saittardyń tehnikalyq jáne bailanys derekterin zertteýge kirisken. Sondai-aq is aiasynda sot-tehnologiialyq jáne sot-tehnikalyq saraptamalar taǵaiyndaldy.
"Resýrs ielerine qatysty birqatar málimet anyqtaldy. Alaida tergeý áli jalǵasyp jatqandyqtan, aqparattyq shabýyldyń artynda kim turǵanyn ázirge jariialai almaimyz", – dedi Sanjar Ádilov.
Qylmystyq istiń tergelý barysy Ishki ister ministrliginiń baqylaýyna alynǵan.
