– Táýelsizdik – eń aldymen Qazaq halqynyń bostandyqqa umtylǵan asqaq armandary men qaisar rýhynyń jemisi. Sondyqtan da biz úshin Táýelsizdik kúni – eń qasterli kún. Elimiz táýelsizdigin jariialap, derbes memleket retinde álemge tanylyp, búgingi kúni óziniń 27 jyldyǵyna aiaq basty. Elbasynyń «Qazaqstannyń táýelsizdigi qazaqtarǵa tartqan taǵdyrdyń syiy emes, óziniń ejelgi jerinde qily kezeńdi bastan keshý arqyly qol jetken óz memlekettiligin qurýǵa degen zańdy quqyǵy, bul daýsyz jáne saiasi faktige eshkim kúmán keltirmeýi tiis», — dep atap kórsetýinde úlken maǵyna jatyr, - dedi Bolatbek Dúisenbekuly.
Aýdan basshysy Táýelsizdiktiń 27 jyldyǵyn shardaralyqtar da eseli eńbekpen, zor tabystarmen qarsy alyp otyrǵanyn atap ótti.
Táýelsizdik merekesinde bir top azamattartúrli marapattarmen marapattaldy. Aýdan ákimi Bolatbek Qystaýov Elbasy Jarlyǵymen berilgen «Astana qalasyna 20 jyl» merekelik medaldaryn eńbek ardagerleri Ybyrai Sahovqa, Táńirberdi Aǵmanulyna, Myrzabai Nurmanovqa, Qyzylqum sýlandyrý júiesine qarasty №4 bólimsheniń injener-gidrotehnigi, aýdandyq máslihattyń depýtaty Qozybai Janysbaiǵa saltanatty túrde tapsyrdy. Sondai-aq, aýdandyq máslihattyń hatshysy Bultbai Mútáliev Túrkistan oblysynyń Gramotasymen, aýdan ákiminiń orynbasary Baýyrjan Shompiev, aýdandyq bilim bóliminiń esepshisi Beisenkúl Omarova oblys ákiminiń Gramotasymen marapattaldy. Oblystyq máslihattyń depýtaty, Qazaqstan injener-pedagogikalyq Halyqtar dostyǵy ýniversitetiniń rektory, meditsina ǵylymdarynyń doktory, akademik Rabiǵa Qýatbekova, Dostyq aýyldyq okrýginiń bii Jora Amanov, Kóksý aýyldyq okrýgindegi «Ailin» bóbekjai balabaqshasynyń meńgerýshisi Bulqynai Seiilova, Shardara mektep-litseiiniń qyzmetkeri Sanjar Toqsanbaev, A.Imanov atyndaǵy jalpy orta mektebiniń muǵalimi Gúlnaz Beketova aýdan ákiminiń «Alǵys hatyna» ie bolsa, Qazaqstan halqy Assambleiasynyń «Alǵys hatyna» Aidana Joraeva ie boldy.
Merekelik sharada aýdannyń áleýmettik-ekonomikalyq damýyna súbeli úles qosqan qajyrly eńbekteri úshin bir top azamattarǵa «Shardara aýdanynyń Qurmetti azamaty» ataqtary tabys etildi. Aýdandyq máslihattyń sheshimi negizinde berilgen osynaý ataqtardy aýdan ákimi Bolatbek Dúisenbekuly ardager ustaz Mahmud Momynovqa, zeinetkerler Ersaiyn Turlybekovke, Ábdisattar Naýatovqa, «Avtomelios» JShS-iniń direktory Esenbek Qahanovqa, «Qýatjylýenergeortalyq-3» memlekettik kommýnaldyq kásiporny bas injeneriniń orynbasary Pazylbek Qanaevqa, «Ońtústik joldary» jolaýshylar kóligi jáne avtomobil joldary basqarmasy memlekettik kommýnaldyq kásipornynyń aýdandyq ýchaske bastyǵy Musahan Marhabaiǵa, oblystyq aýylsharýashylyǵy basqarmasy basshysynyń orynbasary Turǵanbek Ospanovqa kóp aldynda saltanatty túrde tapsyrdy.
Aýdan jurtshylyǵyn aitýly merekemen quttyqtaǵan aýdandyq máslihat hatshysy Bultbai Mútáliev te jemisti eńbek etip júrgen azamattarǵa marapattar tabys etti. Atap aitar bolsaq, Bultbai Lesbekuly «QR qalalyq, aýdandyq máslihat hatshylary birlestiginiń» tóraǵasy B. Sádýaqasovtyń atynan «Oblystyń Qurmetti depýtaty» medalin №16 kolledj direktorynyń orynbasary, aýdandyq máslihattyń depýtaty Zákirhan Talbidinge, «Eren eńbegi úshin» medalin aýdandyq máslihattyń depýtaty, «Myrzakent» maqta óńdeý zaýytynyń aýdandyq filialynyń menedjeri Jańabai Turlybaevqa, Shardara aýdandyq máslihatynyń Gramotasyn aýdandyq «Ósken óńir» gazetiniń bas redaktory Esenbai Beisenbievke, aýdan ákimi apparatynyń personaldy basqarý bóliminiń basshysy Qaldyǵyz Qoshimovaǵa, aýdandyq máslihattyń «Alǵys hatyn» Qurmanǵazy atyndaǵy jalpy orta mektebiniń direktory Altynbek Tuńǵyshbaevqa, S.Káttabekov atyndaǵy jalpy orta mektebiniń direktory Núrken Káttabekovke, aýdandyq Oqýshylar úiiniń direktory Saparkúl Jienbaevaǵa, «Arailym» balabaqshasynyń pedagogy Ultýsyn Kúmetovaǵa, osy balabaqshanyń ádiskeri Sáýle Rysbaevaǵa, aýdandyq Qorǵanys isteri jónindegi bólimniń nusqaýshysy Dándibai Qosaevqa, aýdandyq halyqqa qyzmet kórsetý ortalyǵynyń mamany Bekzat Kómeshǵalievke tapsyrdy.
Merekege qatysqan oblystyq máslihattyń depýtaty Rabiǵa Qýatbekova shardaralyqtardy aitýly datamen quttyqtady. Rabiǵa Ábdimusaqyzy «Nur Otan» partiiasy oblystyq filialy tóraǵasynyń birinshi orynbasary Nurmahan Joldasovtyń atynan «Balapan» balabaqshasynyń direktory Quralai Tileshovaǵa, «Nur Otan» partiiasy aýdandyq filialy tóraǵasynyń birinshi orynbasary Erǵali Qarymsaqovtyń atynan «Báisheshek» balabaqshasynyń direktory Baian Qalybekovaǵa «Alǵys hattar» tabys etti.
El egemendiginiń 27 jyldyǵyna arnalǵan saltanatty sharada aýdan ónerpazdarymen birge Sh.Qaldaiaqov atyndaǵy filarmoniianyń ánshileri jáne Qazaqstan injener-pedagogikalyq Halyqtar dostyǵy ýniverstetiniń ónerli stýdentteri ásem ánnen shashý shashyp, kórermenderge kóterińki kóńil-kúi syilady.
Shardara aýdan ákiminiń baspasóz qyzmeti
