Oljas Súleimenov express-k.kz basylymyna suhbat beripti. Biraz dúnieniń basyn shalǵan eken. Biz eń ózekti degen oilaryn oiyp aldyq.
Táýelsizdik týraly
Shirek ǵasyr boiy biz bir kezderi tek estigenimiz ben oqyǵanymyz bolmasa, ózimizge túsiniksiz – «táýelsizdik», «kapitalizm», «demokratiia» atty uǵymdardy igerýmen, olardy tanýmen keldik. Anyǵynda, biz osy uǵymdar úshin osy kúresken joqpyz. Olar bizdiń «tóbemizden tústi», aiaqastynan, tipti tosynnan keldi. Osy 25 jylda biz bul uǵymdardyń bir-birimen qanshalyqty bailanysty ekenin, bulardyń qandai qarama-qaishylyǵy baryn bildik.
Úndeý týraly
Prezident bul sheshimge kelmes buryn ony on ret oi eleginen ótkizdi. Bizdiń osy kúnge deiin júrgen jolymyz osy reformamen aiaqtalýy kerek edi. Árine, bul ońai sheshim emes.
HHI ǵasyrdyń shyndyǵy sol – bul ǵasyrda totalitarlyq memlektetterge oryn joq. Olar uzaq ómir súrmeidi. Bul júie jurtty jarylqamaidy…
Endigi másele Nazarbaev aitqan dúnieniń is júzinde iske asýynda jatyr. Mine, sol kezde «murager» týraly áńgimeler de sap tyiylady.
Eger bul reforma is júzinde nátijesin berse, halyq Nazarbaevtyń ornyna basqa-basqa emes Parlamenttiń keletinin túsinedi. Úkimet pen Parlament Memleket basshysynyń «murageri» bolmaq. Jańa prezident te osy eki organnyń aitqanyna baǵynatyn, pikirine qulaq túretin bolady.
Árine, buǵan deiin áli biraz bar. Biraq, bul kún báribir keledi. Prezident usynǵan reformanyń maqsaty osy.
Tramp týraly
Tramp Reseige «iadrolyq qarýdyń arsenalyn azaitaiyq, bir-birimizdiń pikirimizdi tyńdaiyq» dep otyr. AQSh-tyń NATO-daǵy áskeri ári qarjylyq qatysýyn azaitý qajettigin de, eger sanktsiialar Amerika ekonomikasyna kesirin tigizse, odan bas tartý kerektigin de aitqan osy Tramp. Kúni keshe «óndiris Amerikanyń óz jerinde shoǵyrlanýy tiis, Oństústik Shyǵys-Aziiadaǵy óndiris oryndaryn elge oraltyp, óz azamattarymyzdy jumyspen qamtýǵa tiispiz», dedi ol.
Anyǵynda, Tramp osynyń arqasynda jeńiske jetti. Ony Amerika ǵana emes, Resei de qoldady. Kreml taǵy da dúniejúzilik soǵystyń bolǵanyn qalamaidy.
Eger Tramp sailaýaldy baǵdarlamasynda aitqan sózinde tursa, endeshe aldaǵy tórt jylda álemde tynyshtyq ornaidy degen sóz.
Qazaq ádebieti týraly
Al jazba ádebiet retinde HH ǵasyrdyń ekinshi jartysynan bastap qana qalyptasqan jas qazaq ádebietine oqyrmanynan aiyrylý sonaý folklor dáýirine qaita oralýmen birdei. Jazbasha ádebietsiz qazaq tilin shyn mánindegi memlekettik tilge, ultaralyq qatynas tiline ainaldyrý múmkin emes.
Aýdarǵan, Dýman BYQAI
