Dóńgelek ústel barysynda sóz alǵan ShQO Jastar resýrstyq ortalǵynyń jetekshisi Arailym Esimbekova Táýelsizdik elimizdiń ósip-órkendeýine negiz bolǵanyn aita kele, Elbasy Nursultan Nazarbaevtyń kóregendi saiasatynyń arqasynda jastarǵa zor múmkindik ustanǵan, qarqyndy damýǵa bet alǵan memlekettik irge tasy qalanǵanyn atap ótti.
– Maǵan keibir adamdar «barlyq jerde jastardy qoldap, olardy nege marapattap jatady» dep jii suraidy. Bul suraqqa óz basym «óitkeni, bizdiń memleketimizdiń bolashaǵy jastardyń qolynda» dep jaýap beremin. Búginde jastardy qoldaý, olardyń áleýmettik máselesin sheshýi, alańsyz bilim alýyn qamtamasyz etý memlekettik saiasattyń basym baǵyttarynyń biri. Osyndai saiasat júrgizip otyrǵan eldiń bolashaǵy jarqyn bolatyny sózsiz, – dedi Arailym Esimbekova.
Dóńgelek ústel barysynda jastar óz oilaryn ortaǵa salyp, el Táýelsizdigin nyǵaitý úshin ne isteý kerek ekenin aitty. Jastar jan-jaqty bilim alyp, Qazaqstannyń memlekettigin nyǵaitýǵa baǵyttaýdyń mańyzy zor ekenin tilge tiek etti. Óz kezeginde S.Amanjolov atyndaǵy ShQO Memlekettik ýniversitetiniń túlegi, volonter Ulan Kósherbai «Bizder memleketimizge qandai paidamyzdy tigizemiz dep udaiy oilanýymyz kerek. Óitkeni dál qazir bizde múmkindik te, ýaqyt ta bar» dedi.
Jiyn sońynda Óskemen qalasyndaǵy úzdik volonterler anyqtalyp, marapattaldy.
