Premer-ministr Oljas Bektenov eki eldiń biznes-qoǵamdastyǵynyń 300-den astam ókili qatysqan Qazaqstan-Frantsiia investitsiialyq forýmyn ashty, dep habarlaidy Dalanews.kz.
Forýmnyń kún tártibinde saýda-ekonomikalyq qatynastardy, kólik, energetika jáne ónerkásiptik áleýetti damytý, azyq-túlik qaýipsizdigi men densaýlyq saqtaý salasyndaǵy yntymaqtastyq, qalalardy turaqty damytý jáne qalalyq ortanyń sapasyn jaqsartý, sondai-aq TKSh jáne týrizm salalaryn nyǵaitý men ártaraptandyrýǵa arnalǵan keń aýqymdy máseleler tur.
Ótken jyly eki el arasyndaǵy taýar ainalymy 31%-ǵa artyp, 5,5 mlrd dollar rekordtyq kórsetkishke jetti, onyń ishinde eksport kólemi 3,6 mlrd dollardy qurady. Qazaqstandaǵy frantsýz investitsiiasy 20 mlrd dollarǵa jaqyndady, elimizde frantsýz kapitalynyń qatysýymen 200-den astam kompaniia belsendi jumys istep keledi.
Búginde Qazaqstan Frantsiia úshin jetekshi seriktes sanalady, Ortalyq Aziia elderimen barlyq saýdanyń 80%-ǵa jýyǵy onyń úlesine tiesili.
Forýmdy ashqan Premer-ministr Oljas Bektenov eki memleket basshylary deńgeiindegi senimdi qarym-qatynastar nátijesinde ekijaqty bailanys strategiialyq áriptestiktiń keńeitilgen deńgeiine kóterilgenin atap ótti.
"Frantsiiamen yntymaqtastyq – Qazaqstannyń syrtqy saiasatyndaǵy negizgi basymdyqtardyń biri jáne Eýropalyq Odaq sheńberindegi seriktestigimizdiń ajyramas bóligi. Bizdiń elderimiz berik saiasi bailanystarmen, belsendi úkimetaralyq jáne parlamenttik dialogpen, sondai-aq qarqyndy saýda jáne investitsiialyq ózara is-qimylmen erekshelenetin berik jáne kópqyrly seriktestikke ie",- dep atap ótti Oljas Bektenov.
Premer-ministr Qazaqstannyń ońtústiginde qýaty 1 GVt bolatyn Total Energies kompaniiasymen jel elektr stansasyn salý, Alstom kompaniiasy usynǵan óndiristi oqshaýlaý jáne temirjol sektoryna jańa investitsiia, Air Liquide kompaniiasynyń Pavlodar MHZ-daǵy sýtegi energetikasy boiynsha jobasy, Danone, Lactalis jáne Lidea jáne t. b. qatysýymen tamaq jáne sút ónerkásibin damytý siiaqty negizgi birlesken jobalarǵa toqtaldy.
Qazaqstan Transkaspii halyqaralyq kólik baǵytyn damytýǵa jáne JI, farmatsevtika, týrizm jáne sý resýrstaryn basqarý siiaqty sektorlardaǵy yntymaqtastyqqa múddeli.
Sondai-aq Astana men Almatyda frantsýz mektepteriniń ashylýy, Abai atyndaǵy QazUPÝ-daǵy Lumière ortalyǵynyń jáne Lotaringiia ýniversiteti filialynyń jumysyn qosa alǵanda, bilim berý jáne ǵylymi kooperatsiiadaǵy ilgerileýshilik atap ótildi.
Oljas Bektenov Qazaqstan sheteldik áriptester úshin qolaily investitsiialyq ahýal jasaýǵa tolyq nietti ekenin atap ótti. Qazirgi ýaqytta Qazaqstan usynyp otyrǵan investorlar úshin múmkindikterge, quqyqtyq kepildikter, salyqtyq jeńildikter, arnaiy ekonomikalyq aimaqtarǵa jáne AHQO-ǵa nazar aýdarylýda.
Forým Qazaqstan men Frantsiia prezidentteri arasyndaǵy ýaǵdalastyqtarynyń is júzindegi jalǵasy bolýǵa jáne iskerlik yntymaqtastyqty keńeitýge, jańa investitsiialyq jobalardy iske qosýǵa jáne eki eldiń biznesi arasyndaǵy bailanystardy nyǵaitýǵa baǵyttalǵan.
Is-shara qorytyndysy boiynsha energetika, kólik, densaýlyq saqtaý jáne sý resýrstary salalaryndaǵy kelisimderdi qosa alǵanda, birqatar qujatqa qol qoiý josparlanǵan.
