Atyraý oblysynyń ákimi Serik Shápkenov sý tasqyny kezinde halyqqa kómek kórsetken “Pishón” esimdi ittiń ólimine bailanysty arnaiy tekseris júrgizilip jatqanyn málimdedi, dep habarlaidy Dalanews.kz.
Ákim bul jaǵdai týraly BAQ betterinen habardar bolǵanyn atap ótti.
“Bul jaǵdai Mahambet aýdanynyń Sarytoǵai aýylynda oryn alǵan. Sý tasqyny kezinde halyqqa kómektesken “Pishón” esimdi it áleýmettik jelilerde tanymal boldy. Alaida 28 qarasha kúni aýyl turǵyny buralqy itterdiń úiine kirýine kedergi jasap jatqany týraly shaǵym túsirgen. Osyǵan bailanysty mamandar itterdi ýaqytsha uiyqtatýǵa arnalǵan dárini paidalanǵan. Keiinirek Jaiyq ózeniniń jaǵasynan “Pishón” atty ittiń óleksesi tabyldy”, — dedi ol.
Ákimniń aitýynsha, buralqy itterdi aýlaý zańǵa sáikes júrgiziledi. Agressivti itter iesiz bolǵan jaǵdaida óltiriledi, al basqalary zararsyzdandyrylyp, qaitadan iesine qaitady deidi. Al sońǵy oqiǵaǵa bailanysty dereý tekserý jumysy uiymdastyrylǵan.
“Atalǵan oqiǵa boiynsha arnaiy tekserý júrip jatyr. Qorytyndysy shyqqan soń, qosymsha aqparat beriledi”, — dep qosty oblys ákimi.
Aita keteiik, buǵan deiin álemjelide kóktemgi sý tasqyny kezinde atyraýlyq turǵyndarǵa kómektesken “Pishón” esimdi ittiń atyp óltirilgeni týraly aqparat taraǵan edi.
