اتىراۋ وبلىسىنىڭ ەكٸمٸ سەرٸك شەپكەنوۆ سۋ تاسقىنى كەزٸندە حالىققا كٶمەك كٶرسەتكەن “پٸشٶن” ەسٸمدٸ يتتٸڭ ٶلٸمٸنە بايلانىستى ارنايى تەكسەرٸس جٷرگٸزٸلٸپ جاتقانىن مەلٸمدەدٸ, دەپ حابارلايدى Dalanews.kz.
ەكٸم بۇل جاعداي تۋرالى باق بەتتەرٸنەن حاباردار بولعانىن اتاپ ٶتتٸ.
“بۇل جاعداي ماحامبەت اۋدانىنىڭ سارىتوعاي اۋىلىندا ورىن العان. سۋ تاسقىنى كەزٸندە حالىققا كٶمەكتەسكەن “پٸشٶن” ەسٸمدٸ يت ەلەۋمەتتٸك جەلٸلەردە تانىمال بولدى. الايدا 28 قاراشا كٷنٸ اۋىل تۇرعىنى بۇرالقى يتتەردٸڭ ٷيٸنە كٸرۋٸنە كەدەرگٸ جاساپ جاتقانى تۋرالى شاعىم تٷسٸرگەن. وسىعان بايلانىستى ماماندار يتتەردٸ ۋاقىتشا ۇيىقتاتۋعا ارنالعان دەرٸنٸ پايدالانعان. كەيٸنٸرەك جايىق ٶزەنٸنٸڭ جاعاسىنان “پٸشٶن” اتتى يتتٸڭ ٶلەكسەسٸ تابىلدى”, — دەدٸ ول.
ەكٸمنٸڭ ايتۋىنشا, بۇرالقى يتتەردٸ اۋلاۋ زاڭعا سەيكەس جٷرگٸزٸلەدٸ. اگرەسسيۆتٸ يتتەر يەسٸز بولعان جاعدايدا ٶلتٸرٸلەدٸ, ال باسقالارى زارارسىزداندىرىلىپ, قايتادان يەسٸنە قايتادى دەيدٸ. ال سوڭعى وقيعاعا بايلانىستى دەرەۋ تەكسەرۋ جۇمىسى ۇيىمداستىرىلعان.
“اتالعان وقيعا بويىنشا ارنايى تەكسەرۋ جٷرٸپ جاتىر. قورىتىندىسى شىققان سوڭ, قوسىمشا اقپارات بەرٸلەدٸ”, — دەپ قوستى وبلىس ەكٸمٸ.
ايتا كەتەيٸك, بۇعان دەيٸن ەلەمجەلٸدە كٶكتەمگٸ سۋ تاسقىنى كەزٸندە اتىراۋلىق تۇرعىندارعا كٶمەكتەسكەن “پٸشٶن” ەسٸمدٸ يتتٸڭ اتىپ ٶلتٸرٸلگەنٸ تۋرالى اقپارات تاراعان ەدٸ.
