– Onyń ulttyq mádenıetke, ulttyq tarıhqa kózqarasy óte jaqsy. Sol baǵytta jumys istep júrgen azamattarǵa kómegin beredi. Almatyda da qolynan kelgen kómegegin aıamady. Ol jaǵynan ár ýaqytta rahmetimdi aıtamyn.
Biraq Tasmaǵambetov – biz ózgertkimiz keletin júıeniń soldatynyń biri.
Eger biz ádiletti qoǵam quramyz desek, burynǵy Nazarbaevtyń qasynda júrip, sonyń dastarhanynan tamaq ishkenderden úmit kútpeı-aq qoıaıyqshy. Osyny halyq bilýi kerek, – dedi saıasatker.
Onyń aıtýynsha, qazir júıege qarsy shyǵýshylar, Nazarbaev dáýirin synaýshylardyń áreketi kóbine «kek alýǵa» uqsas keledi.
– Bulardyń kóbisi sol jerden, óziniń qyzmetinen ketkennen keıin keledi. Aıtpaǵym jaqsy sóz emes, biraq «renjýli» sıaqty. Kek alǵysy keletin sıaqty.
Sondyqtan ol adamdarǵa aıtý kerek: «Rahmet, jumys istedińder, bılikte júrdińder. Nazarbaevtyń qasynda júrip, osy júıeni qurdyńdar. Endi synap jatsańdar, oǵan da rahmet. Biraq sender bılik basyna kelmeı-aq qoıyńdarshy», – dedi spıker.
Dos Kóshimniń oıynsha, Imanǵalı Tasmaǵambetovtyń UQSHU-ǵa Bas hatshy bolyp barýy, onyń saıası salmaǵyn arttyrǵan joq, kerisinshe, azaıtty.
– UQSHU-ny qańtar oqıǵasynan keıin, TMD-nyń jandarmy dep aıtýǵa bolady. Nege? UQSHU-nyń qurylýynyń jalǵyz maqsaty boldy. Syrtqy jaýdan birge qorǵaný.
Biraq prezıdent uıymdy halyqtyń ishki revolúsıasyna qarsy qoldandy. Toqaevtyń eń úlken geosaıası qateligi osy. Bul presedent bolyp úlgi kórsetti.
Endi Armenıada halyq kótirlese de, Reseıdiń ishinde halyq bılikke qarsy shyqsa da UQSHU-ny aparyp salady. UQSHU-ny óz bıligine qarsy shyqqan halyqqa qoldanatyn boldy.
Al sonyń bastyǵy qazaq bolyp otyr. Meniń nege janym kúımeıdi? Barmaýy kerek edi. UQSHU óte qaterli «mına alańy». Ol jerde bárin Pýtın basqarady. Bul sonyń qolbalasyna aınalsa, kúshinen taǵy da aıyrylady, – dedi saıasatker.
