9-shy premer Baqytjan Saǵyntaev jasaqtaǵan 9-shy Ministrler kabineti. Jańa premer úkimet músheleriniń orynyn az-kem aýystyryp, tizimdi Aqordaǵa jibergen. Nursultan Nazarbaev uzaq ustamai, usynysty birden qoldapty. Sonymen,memlekettik baǵdarlamalardy júzege asyrý úshin Saǵyntaevqa Imanǵali Tasmaǵambetov kómektespekshi. Óz kezeginde Nursultan Nazarbaev:
– Imanǵali Tasmaǵambetov Qorǵanys ministrliginde tabysty jumys istedi. Tapsyrmalarymdy naqty, tyńǵylyqty oryndady. Meniń jarlyǵymmen endi premer ministrdiń orynbasary bolyp taǵaiyndaldy. Bul qyzmetti de ádettegidei abyroimen atqarady dep senemin, – dep úmit artatynyn baiqatty.
Shyndyǵynda Tasmaǵambetov úshin bul qyzmet tansyq emes. Ol buǵan deiin de birneshe ret premerdiń orynbasary boldy, tipti Úkimetti basqarǵanyn bilemiz. Sondyqtan Imekeńniń Ministrler kabinetimen jumys isteýdiń ishki tártibin jaqsy biledi. 60 jastaǵy sheneýnik sońǵy eki jyldan beri Qorǵanys ministri bolǵan soń jii kórine bermeginei anyq.
Endi vitse-premer retinde úsh tuǵyrly til, bilim, densaýlyq saqtaý jáne áleýmettik saladaǵy máselelerdiń túiinin tarqatatyny anyq.
Taǵy bir jańalyq Din isteri jáne azamattyq qoǵam dep atalatyn jańa ministrlik paida boldy. Bul vedomstvo sońǵy kezde din atyn jamylyp, el ishide búlik salǵan lańkesterdiń kóbeiip ketýine bailanysty qurylsa kerek. Oǵan Qaýipsizdik keńesiniń hatshysy bolǵan Nurlan Ermekbaev jetekshilik etedi. Aýyl sharýashylyǵyministri Asqar Myrzahmetov burynǵydai vitse-premer qyzmetin qatar alyp júredi.
Saǵyntaevtyń birinshi orynbasary – «Qazaqstan temir joly» ulttyq kompaniiasynyń eks-tóraǵasy Asqar Mamin. Ministrlerge kelsek, asa ózgeris joq. Tek Berik Imashev Ortalyq sailaý komissiiasynyń tóraǵasy bolyp taǵaiyndaldy. Onyń ornyn Prezident ákimshiligi jetekshisiniń orynbasyry, 39 jastaǵy Marat Beketaev basty. Qalǵan ministrler óz ornyn saqtap qalǵan.
Osylaisha qaita jasaqtalǵan eski de, jańa úkimettiń eń jas múshesi 36 jastaǵy Ulttyq ekonomika ministri Qýandyq Bishimbaev, al eń egdesi 58 jastaǵy Syrtqy ister ministri Erlan Ydyrysov.
Al, sheneýnikter arasyndaǵy jemqorlyqpen Qairat Qojamjarov kúresedi. Budan bylai ol qaita qurylǵan Memlekettik qyzmet isterijáne sybailas jemqorlyqqa qarsy is-qimyl agenttiginiń tóraǵasy. Óitkeni Memlekettik qyzmet isteri ministrligi bir jyl ótpei taratylyp otyr.
Endi Saǵyntaevtyń komandasy endi bir minýt ta tynym tappaýy tiis. Úkimet eń aldymen terrorizm men ekstremizmge qarsy zańdy qaita jazyp, shuǵyl aldaǵy jyldardyń biýdjetin naqtylap, Parlamentke tanystyrýy qajet. Jáne qysqa ýaqytta jurtty turǵyn úimen qamtýǵa arnalǵan «Nurly jer» baǵdarlamasyn ázirleýi kerek. Al iske kirispes buryn, jańaÚkimet jaqyn kúnderi prezident aldynda ant qabyldaidy.
Derekkózi: KTK arnasy
