Rýhani ómirden molynan habardar (ol qasiet kóptegen sheneýnikterden tabyla bermeidi).
Ultshyl (qazirgi kompradorlar men kosmopolitter bilegen zamanda ondai bolý da bir syn). Jáne — týrashyl.
Sońǵy qasieti onyń dushpandarynyń qataryn kóbeitpese, siretip jatqan joq. Kezinde ol kisimen qoian-qoltyq aralasyp, jumys istegenbiz. Moiyndaýǵa tiispin: meniń Almatydaǵy qyzmet kareramnyń bastalýyna tikelei atsalysqan osy kisi boldy. Jastar isteri jónindegi memlekettik komitette onyń orynbasary bop jumys isteý – meniń alǵashqy sheneýniktik ári qairatkerlik ýniversitetim boldy. Ol vitse-premer bolǵan tusta men úkimet baspasóz qyzmetin basqaryp, talai bastamalarǵa birge muryndyq bolǵanbyz. Ol kisiniń ákesi qaitys bolǵanda men onyń qasynda boldym, meniń ákem qaitqanda — ol meniń janymda bolǵan.
Biraq keiin, saiasi sebeptermen aramyz ajyrap ketti: ol bilikte, al men – oppozitsiiada degendei. 9 jeltoqsanda ol 60 jasqa tolyp otyr. Osydan týra 20 jyl buryn onyń 40 jasqa tolý dastarhanyn basqarýǵa at salysqanmyn. Ol kezde «ol jas, bolashaǵy áli alda» dep el aitatyn. Búginde ol, sózsiz, saiasi aýyr salmaqtylar kategoriiasynda. Al ol «salmaqtylar» sanatynda bolýdyń óz «salmaǵy» bar… Sonymen birge, biliktegi biik belesterine qaramastan Imanǵali Tasmaǵambetov asa qiyn jaǵdaida dep oilaimyn, óitkeni qatyp-semip qalǵan bizdiń saiasi júie talantty, minezdi, ózgelerden erekshelengen tulǵalardy kótere bermeidi jáne de onyń kóre almastary men dushpandary tynysh otyrmaidy.
Týǵan kúni qutty bolsyn! Alpystyń asýynan asyp, jetpistiń jemisin jeýge jazsyn. Qolynda bilik bar kezde, janynan shyqpaityn jaǵympazdar men qai kezde de qasynan tabylar shyn janashyrlarynyń arasyn ajyrata bilsin! Eń bastysy – halqymen birge bolsyn!».
Avtordyń Facebook`tegi paraqshasynan alyndy
