Tasmaǵambetov Astanada ótetin UQShU keńesinde qandai mańyzdy qujat qabyldanatynyn aitty

"Aýǵanstan taqyryby – UQShU qyzmetiniń ózekti baǵyttarynyń biri. Bul neni bildiretinin sizder jaqsy bilesizder. Ortalyq Aziia úshin Aýǵanstannyń mańyzy zor, sebebi jaǵdai birshama turaqtalǵanymen, beibit baǵytqa baiaý bolsa da aýysyp keledi. Degenmen, Aýǵanstan aýmaǵynda terroristik uiymdar áli de jetkilikti. Árine, bul – óte mańyzdy másele", – dedi Imanǵali Tasmaǵambetov.

Sondai-aq, ol jańa baǵdarlama UQShU-ǵa múshe elderge shekaradaǵy jaǵdaidy birlesip retteýge jáne óńirdegi qaýipsizdikti qamtamasyz etýge múmkindik beretinin atap ótti.

Eske salaiyq, Ujymdyq qaýipsizdik keńesiniń otyrysy 27–28 qazanda Astanada ótedi. Osyǵan bailanysty búgin Memlekettik kúzet qyzmeti astanalyqtarǵa úndeý jasady. 

Shetel memleket basshylarynyń qatysýymen ótetin UQShU ujymdyq qaýipsizdik keńesi otyrysyn ótkizý jáne oǵan ázirlik aiasynda, 27-28 qarashada elorda kósheleriniń jekelegen bóliginde kólik quraldarynyń júrýine ýaqytsha shekteý qoĭylady.

Daiyndyq sharalarynda QR arnaýly memlekettik, quqyq qorǵaý jáne Qarýly Kúshter resýrstaryn, onyń ishinde áskeri aviatsiia men tehnikany paĭdalaný kózdelgen.

Sonymen qatar 27 qarashada Astana qalasy aspanynda QR QM maĭdan aviatsiiasynyń ushýy josparlanǵan.

"Elorda turǵyndary men qonaqtarynan halyqaralyq deńgeĭdegi mańyzdy oqiǵa ýaqytynda ótkiziletin qaýipsizdikti qorǵaý sharalaryna túsinistikpen qaraýdy suraĭmyz", - delingen habarlamada.