Ustalǵandardyń basym bóligi buǵan deıin AQSH jáne ózge alys shetelderde jumys istep kelgen. Olardyń bárine «Salafıa» dinı aǵymyna qatysy bar degen aıyp taǵyldy.
Ustalǵandardyń týystary olardy aldymen 15 táýlikke ustaǵanyn, keıin qylmystyq is qozǵalǵanyn habarlady. Qamalǵandardyń keıbiri Ózbekstanǵa úsh jyl buryn oralǵan, kebiri jaqynda ǵana shetten kelgen.
Ózbekstanda shetelden kelgen azamattardy tutqyndaý 2015 jyldyń qarashasynda bastalǵan edi. Ol kezde «Azattyq» radıosynyń ózbek qyzmeti Tashkent qalasy men oblysynda 200-den astam adamnyń qamalǵanyn habarlaǵan bolatyn.
Baqylaýshylar 14 azamattyń ustalýyn byltyr bastalǵan jappaı tutqyndaýdyń jalǵasy dep sanaıdy. Aıyrmashylyǵy, ótken jyly ustalǵandardyń «IM» tobymen baılanysy bar delinse, endi shetelden oralǵan ózbek azamattaryna «salafızm» aıyby taǵylýda.
Baqylaýshylar byltyr abaqtyda túskender tergeý barysynda basqalarǵa qarsy kýálik berýi múmkin ekenin de joqqa shyǵarmaıdy.
