تاشكەنت "سالافتاردى" ۇستادى
ۇستالعانداردىڭ باسىم بٶلٸگٸ بۇعان دەيٸن اقش جەنە ٶزگە الىس شەتەلدەردە جۇمىس ٸستەپ كەلگەن. ولاردىڭ بەرٸنە «سالافييا» دٸني اعىمىنا قاتىسى بار دەگەن ايىپ تاعىلدى.
ۇستالعانداردىڭ تۋىستارى ولاردى الدىمەن 15 تەۋلٸككە ۇستاعانىن, كەيٸن قىلمىستىق ٸس قوزعالعانىن حابارلادى. قامالعانداردىڭ كەيبٸرٸ ٶزبەكستانعا ٷش جىل بۇرىن ورالعان, كەبٸرٸ جاقىندا عانا شەتتەن كەلگەن.
ٶزبەكستاندا شەتەلدەن كەلگەن ازاماتتاردى تۇتقىنداۋ 2015 جىلدىڭ قاراشاسىندا باستالعان ەدٸ. ول كەزدە «ازاتتىق» راديوسىنىڭ ٶزبەك قىزمەتٸ تاشكەنت قالاسى مەن وبلىسىندا 200-دەن استام ادامنىڭ قامالعانىن حابارلاعان بولاتىن.
باقىلاۋشىلار 14 ازاماتتىڭ ۇستالۋىن بىلتىر باستالعان جاپپاي تۇتقىنداۋدىڭ جالعاسى دەپ سانايدى. ايىرماشىلىعى, ٶتكەن جىلى ۇستالعانداردىڭ «يم» توبىمەن بايلانىسى بار دەلٸنسە, ەندٸ شەتەلدەن ورالعان ٶزبەك ازاماتتارىنا «سالافيزم» ايىبى تاعىلۋدا.
باقىلاۋشىلار بىلتىر اباقتىدا تٷسكەندەر تەرگەۋ بارىسىندا باسقالارعا قارسى كۋەلٸك بەرۋٸ مٷمكٸن ەكەنٸن دە جوققا شىعارمايدى.
