Shara barysynda AV-SoftWere kompaniiasynyń ókilderi Aibek Almuhametov pen Erbolat Qanatbek Almaty oblysynda týrizmdi damytý men Qazaqstan tarihyn jańǵyrtý maqsatynda mobildi qosymsha iske qosylatyndyǵyn málimdedi.
Aita keteiik, Elimizdiń tarihyn jańǵyrtý jáne týrizmdi damytý maqsatynda jasalǵan qosymsha alǵash ret Shyǵys Qazaqstan oblysynda paida bolǵan. Onda elimizdegi kieli jerler tizimine kirgen 40 nysan qamtylǵan bolsa, aldaǵy ýaqytta Almaty oblysy boiynsha 20 nysandy qamtý josparlanyp otyr. Qosymsha arqyly kieli jerler jaily maǵlumat alýmen qatar, oǵan barar joldy da kórýge bolady.
«Qasietti Qazaqstan» jobasy boiynsha qolǵa alynǵan bul qosymshanyń bereri mol. Iaǵni elimizge kelýshi týrister sanynyń artýyna da ózindik septigin tigizbek.
– Mobildi qosymsha internetsiz isteidi. Iaǵni alys jerlerde internet ustamai qalǵan kezde ol onyń kómeginsiz-aq, oflain rejimde jumys istei beredi. Aldaǵy ýaqytta bizdiń jobamyz boiynsha Almaty oblysynda 20 eskertkishke QR-kod ornatýǵa tyrysamyz, – deidi jobany ázirleýshi Erbolat Qanatbek.
Baljan Qairatqyzy
