Sarapshylar tarıh oqýlyǵynda Nursultan Nazarbaevqa nege 13 bet arnalǵanyn túsindirdi, dep habarlaıdy Dalanews.kz.
Bilim berý saraptamasy jónindegi respýblıkalyq ǵylymı-tájirıbelik ortalyq 8–9-synyptarǵa arnalǵan tarıh oqýlyǵyna qatysty synǵa pikir bildirdi. Onda Qazaqstannyń tuńǵysh prezıdenti Nursultan Nazarbaevqa jeke bólim arnalsa, ol 13 betti qamtıdy.
Ortalyqtyń málimetinshe, oqýlyq jańartylǵan bilim mazmunynyń bekitilgen baǵdarlamasyna qatań sáıkes ázirlengen. Nazarbaevqa arnalǵan bólim «Qazaqstan memlekettik táýelsizdiginiń qaıta túleýi (1991–1996 jyldar)» taqyrybyna kiredi jáne ol táýelsiz memlekettiń qalyptasýy turǵysynan qarastyrylady.
Al 2024 jyldan bastap 9-synypqa arnalǵan tarıh oqýlyqtarynyń mazmuny jańartylyp, qaıta basylyp, jańa oqý jylynyń basynan oqý prosesine engizilgen.
